დიდ დიღომში გუდვილის მიმდებარე ტერიტორიაზე, საწყობში ხანძარია. როგორც "ექსპრესნიუსს" საგანგებო სიტუაციების მართვის სამსახურში განუცხადეს, ადგილზე მობილიზებულია 4 სახანძრო მანქანა, თუმცა დამატებით იგზავნება კიდევ რამდენიმე.

თვითმხილველების ინფორმაციით, ტექნოლუქსისს საწყობი იწვის და დამატებითი სახანძროები მიდიან, ძლიერი ცეცხლის გამო ცეცხლის ლოკალიზება ამ ეტაპზე ვერ ხერხდება.

განახლებული ინფორმაცია: 23:04 საათისთვის

წინასწარი ინფორმაციით, იწვის ტექნიკის საწყობი. დამწვარია 600 კვ/მ ფართობი.

მეხანძრე-მაშველები ამ წუთებში ცდილობენ ხანძრის ლოკალიზებას. მეხანძრე-მაშველების მიერ შენობიდან უვნებლად გამოყვანილია 1 ადამიანი. ადგილზე მუშაობს 11 სახანძრო-სამაშველო ჯგუფი

განახლებადი ინფორმაცია 00:01 საათზე 

ტექნიკის საწყობში გაჩენილი ხანძარი ლოკალიზებულია. დამწვარია 1 800 კვ/მ ფართობი.

მეხანძრე-მაშველების მიერ შენობიდან უვნებლად გამოყვანილია 1 ადამიანი. ადგილზე მუშაობს 23 სახანძრო-სამაშველო ჯგუფი.

განახლებადი ინფორმაცია: 00:10 საათი

ხანძრის დროს დაშავებული მამაკაცი მამაკაცი კლინიკა „ვივა მედში“ არის გადაყვანილი. მამაკაცს მოტეხილი აქვს წვივი და აქვს ინტოკსიკაცია მიღებული. ამ ეტაპზე მის სიცოცხლეს საფრთხე არ ემუქრება.

განახლებადი ინფორმაცია 00:15 საათი

დიდ დიღომში ცეცხლი დაახლოებით 2000 კვადრატულ მეტრზეა გავრცელებული. ამის შესახებ ჟურნალისტებს საბურთალოს გამგებელმა გაიოზ ვასაძემ განუცხადა.  - „ხანძარი გაუჩნდა ერთი კერძო კომპანიის საწყობს. ცეცხლი დაახლოებით 2000 კვადრატულ მეტრზეა გავრცელებული. ცეცხლის ჩაქრობას ძლიერი ქარი უშლის ხელს. " - განაცხადა გამგებელმა.

განახლებადი ინფორმაცია 00:25

მეხანძრე-მაშველებმა ცეცხლმოკიდებული საწყობიდან ლეკვები გამოიყვანეს. ოთხფეხა მეგობრების სიცოცხლეს საფრთხე აღარ ემუქრება.

საგანგებო სიტუაციების მართვის სამსახურის გადაწყვეტილებით, ლეკვებს მეხანძრე-მაშველები სახანძრო-სამაშველო განყოფილებაში წაიყვანენ და უპატრონებენ.

განახლებული ინფორმაცია 10:07

დიდ დიღომში, ხანძრის შედეგად ერთი მამაკაცი დაშავდა, რომელიც მკურნალობას კლინიკა „ვივა მედის“ ინტენსიური თერაპიის განყოფილებაში განაგრძობს.

გავრცელებული ინფორმაციით, მის სიცოცხლეს საფრთხე არ ემუქრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FIFA-მ შესაძლოა, IOC-ის გადაწყვეტილების შემდეგ, რუსეთის გუნდების აკრძალვა მოხსნას

ზიდანი დაბრუნდა! მსოფლიო ფეხბურთის ლეგენდამ საფრანგეთის ეროვნული ნაკრები ჩაიბარა.

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა