თბილისის მერიაში მიმდინარე უწყებათაშორისი კომისიის სხდომაზე ვერეს ხეობის განვითარების გრძელვადიან და მოკლევადიან გეგმებზე მსჯელობენ.

როგორც სხდომაზე თბილისის მერმა დავით ნარმანიამ განაცხადა, უმთავრესი საკითხები, რაზეც დღეს იმსჯელებენ, არის ის, თუ როგორ უნდა განავითარონ ტრანსპორტის გადაადგილების სქემები.

მისი თქმით, აუცილებელია გეგმა, ვერეს ხეობაში გზის აღდგენა მოხდება თუ ტრანსპორტის მოძრაობის დარეგულირება ალტერნატიულად უნდა მოხდეს.

„მოკლევადიან პერიოდში განსახორციელებელი გეგმა აუცილებლად გვჭირდება. ანუ გზის აღდგენის გეგმა სექტემბრამდე, ან თუ სექტემბრამდე ამ მონაკვეთის აღდგენა შეუძლებელია ან აზრი არ აქვს მის აღდგენას, ასეთ შემთხვევაში, როგორ შეიძლება დავარეგულიროთ ალტერნატიულად ტრანსპორტის მოძრაობა. უნდა მოვძებნოთ ტრანსპორტის ალტერნატიული გადაადგილების სქემები თუ გადაუდებელი წესით დავიწყოთ დაზიანებული გზის აღდგენა, ეს უნდა იყოს მოკლევადიანი სამოქმედო გეგმა. გრძელვადიანი სამოქმედო გეგმა ეს იქნება უფრო მყარი რისკების გათვალისწინებით ინფრასტრუქტურის მოწყობა ისე, რომ მაქსიმალურად ავირიდოთ თავიდან სტიქიის უარყოფითი გავლენა“, - განაცხადა დავით ნარმანიამ.

თბილისის მერის თქმითვე, უკვე გადაწყდა, რომ ადრეული შეტყობინების სისტემის შესყიდვა და მონტაჟი განხორციელდება.

„ასევე იყო საუბარი, რომ ადრეული შეტყობინების სისტემის შესყიდვა და მონტაჟი დროულად დაიწყოს და ამაზე გუშინვე მსჯელობის დროს მივიღეთ გადაწყვეტილება და სტიქიის სალიკვიდაციო ფონდიდან მიეცემა დაფინანსება გარემოს დაცვის სამინისტროს. აგრეთვე, წყნეთი-ბეთანიის გზის უფრო გრძელვადიანი ფორმით და უფრო მდგრადად განვითარებასთან დაკავშირებულ საკითხებზე უნდა ვიმსჯელოთ, ასევე ამ საკითხებში უცხოელი ექსპერტების ჩართვაზეც“, - აღნიშნა დავით ნარმანიამ.

თბილისის მერიაში უწყებათაშორისი კომისიის სხდომა ამ წუთებში მიმდინარეობს და მას ინფრანსტრუქტურის მინისტრი ნოდარ ჯავახიშვილიც ესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო