გარემოსა და ბუნებრივი რესურსების დაცვის სამინისტროს ინიციატივით, გეოლოგიისა და გეოგრაფიის ფაკულტეტის სტუდენტებმა წყნეთი- ბეთანიის გზის მონაკვეთზე არსებული სტიქიის ზონა დაათვალიერეს.

სამინისტროს ინფორმაციით, თბილისის სახელმწიფო უნივერსიტეტის სტუდენტები ადგილზე,  გარემოსა და ბუნებრივი რესურსების დაცვის მინისტრთან გიგლა აგულაშვილთან ერთად იმყოფებოდნენ. სტუდენტებს საშუალება ჰქონდათ,  გარემოს ეროვნული სააგენტოს გეოლოგებთან ერთად დეტალურად დაეთვალიერებინათ  სტიქიის ზონა და დარგის სპეციალისტებთან განეხილათ მიზეზ-შედეგობრივი საკითხები.

„გეოლოგია საქართველოსთვის ერთ-ერთი პრიორიტეტული დარგია, აქედან გამომდინარე  გარემოსა და ბუნებრივი რესურსების დაცვის სამინისტროს ინიციატივაა, რომ გეოლოგიისა და გეოგრაფიის ფაკულტეტის სტუდენტები ინტენსიურ კავშირში იყვნენ გარემოს ეროვნული სააგენტოს გეოლოგიის დეპარტამენტთან და თეორიულ ცოდნასთან ერთად, მეწყრული ზონების ადგილზე შესწავლით მიიღონ პრაქტიკული განათლება“, - განაცხადა გარემოს დაცვის მინისტრმა გიგლა აგულაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო