ქობულეთის მუნიციპალიტეტში აჭარის მთავრობის გასვლითი სხდომა გაიმართა.  მთავრობის თავმჯდომარემ, სხდომაზე რეგიონში განსახორციელებელ პროექტებზე და მნიშვნელოვან სიახლეებზე ისაუბრა.

სხდომა სასიამოვნო სიახლით გაიხსნა. მთავრობის გადაწყვეტილებით  31 ოჯახს, რომელებიც წლების განმავლობაში ვერ ახერხებდნენ საცხოვრებელი ფართების დაკანონებას, ბინები უსასყიდლოდ გადაეცათ კერძო საკუთრებაში. უახლოეს მომავალში მიღებული იქნება ახალი გადაწყვეტილება ფაქტობრივ მფლობელებთან დაკავშირებით, რაც კიდევ უფრო მეტი ოჯახის ყოფას გააუმჯობესებს.

სხდომაზე თორნიკე რიჟვაძემ აღნიშნა, რომ ქობულეთი არის მნიშვნელოვანი ტურისტული ცენტრი და მუნიციპალიტეტში აუცილებელია ინფრასტრუქტურის განვითარება. იგეგმება მასშტაბური საინვესტიციო პროექტის განხორციელება, რომელიც უახლოეს მომავალში გახდება ცნობილი და რომელიც რეგიონს კიდევ უფრო მიმზიდველს გახდის ტურისტებისთვის. ქობულეთის სანაპირო ზოლში ზღვისპირა პარკი მოსაწყობად გამოცხადებულია ტენდერი. რაც გულისხმობს ტურისტულად აქტიური  2 840 მეტრი სანაპირო ზოლის კეთილმოწყობას. მთავრობას აქვს ერთიანი და პრინციპული მიდგომა ბიზნესთან. უნდა დასრულდეს შეჩერებული საინვესტიციო პროექტები და ყველა მათგანი განხორციელდეს წარმატებით.

განათლების, კულტურისა და სპორტის მინისტრმა, ინგა შამილიშვილმა სხდომაზე საკითხად გამოიტანა სპორტისა და ახალგაზრდობის საქმეთა დეპარტამენტის რეორგანიზაციისა და ახალგაზრდობის კომპონენტის ცალკე ორგანიზაციად ჩამოყალიბების საკითხი, რაც ახალგაზრდებისთვის ახალი შესაძლებლობების მიმცემი გახდება. მინისტრმა ისაუბრა პეტრას ციხეზე მიმდინარე სარეაბილიტაციო სამუშაოების შესახებ. გასულ წელს დასრულდა რეაბილიტაციის პირველი ეტაპის სამუშაოები, მიმდინარე წელს კი ტენდერი გამოცხადდა სამუშაოების სრულად განხორციელებაზე, რაც ითვალისწინებს ტერიტორიაზე ვიზიტორთა ცენტრის განთავსებას.

აჭარის ფინანსთა და ეკონომიკის მინისტრმა, ჯაბა ფუტკარაძემ,  სხდომაზე წარმოადგინა დაბა ჩაქვისა და კურორტ ციხისძირის  სანაპირო ზოლის განაშენიანების რეგულირების გეგმა, რაც  ახალი ინვესტიციების მოზიდვას და ტურისტულ-სარეკრეაციო კომპლექსის  მდგრად განვითარებას შეუწყობს ხელს. 

სხდომის კიდევ ერთი საკითხი სოფლის განვითარების პროგრამა გახლდათ. იმსჯელეს ინფრასტრუქტურული პროექტების დასაფინანსებლად პროექტების შერჩევის პროცედურებზე და კრიტერიუმებზე.

მთავრობამ ქობულეთში გამოყო მიწის ნაკვეთი იუსტიციის სახლის მშენებლობისთვის, რაც მოსახლეობას შესაძლებლობას მისცემ 200ზე მეტი კერძო და საჯარო სექტორის სერვისით ისარგებლონ ერთიან სივრცეში.

(NS)

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ