„რამდენჯერაც შეეცდება „ნაციონალური მოძრაობა“ თავის წამოწევას, იმდენჯერ გასცემს საზოგადოება საკადრის პასუხს“, - ამის შესახებ პარლამენტის თავმჯდომარე ირაკლი კობახიძემ საქართველოს ყოფილი პრეზიდენტის, მიხეილ სააკაშვილისა ემიგრანტების შეხვედრაზე საუბრისას განაცხადა, რომელიც გუშინ ბელგიაში შედგა.

როგორც კობახიძემ აღნიშნა, თუ საზოგადოებას დახმარება დასჭირდება, მმართველი გუნდი დახმარებისთვის მზად არის.

 „ლიეჟში ამის საჭიროება არ იყო, სხვა შემთხვევაში შეგვიძლია ჩვენც დავეხმაროთ. საზოგადოებამ გასცა პასუხი „ნაციონალურ მოძრაობას“, როგორც წარსულში გაუცია, როგორც მომავალში გასცემს, მათ შორის, 2020 წლის საპარლამენტო არჩევნებში. რამდენჯერაც წამოწევენ თავს, საზოგადოებამ უნდა გასცეს პასუხი, უნდა იყოს რეაგირება. პოლიტიკური პროცესების არასწორი მიმართულებით წარმართვის პრევენცია არის აუცილებელი, ამაზე არის პასუხისმგებელი საზოგადოება პირველ რიგში და თითოეული პოლიტიკური ძალა, რომელიც სათანადოდ უდგება ამ საკითხს. „ნაციონალური მოძრაობის" რომ არ გვეშინია, დავადასტურეთ ყველა გასულ წელს, ყველა არჩევნებში, ჩვენ ვპირდებოდით ყოველთვის საზოგადოებას, რომ არ დავუშვებდით „ნაციონალური მოძრაობის" რაიმე ფორმით რევანშს და ამ პირობას ყოველთვის ვასრულებდით და შევასრულებთ ასევე მომავალ წელსაც, საპარლამენტო არჩევნებში. ამ კუთხით ჩვენი პოზიციები არის ძალიან მყარი", - განაცხადა კობახიძემ.

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით