პირადი ცხოვრების ამსახველი ფარული კადრების საქმეზე დაკავებულებიდან 2 პირს აღკვეთის ღონისძიების სახით წინასწარი პატიმრობა, 7კი გირაო შეეფარდა. 

მოსამართლე მერაბ ჯორბენაძის გადაწყვეტილებით, ანტონ ღლონტს და თემურ ირემაძეს აღკვეთის ღონისძიების სახით პატიმრობა შეეფარდათ, ხოლო მაია ბერიძეს 10 000-ლარიანი, მარიამ ჩადუნელს 2 000-ლარიანი, ანი აროშიძეს 2 000-ლარიანი, თენგიზ ირემაძეს 3 000-ლარიანი, ნონა ჟორჟაძეს 2 000-ლარიანი, გიორგი გასვიანს 1 500-ლარიანი, ირაკლი ქასრაშვილს 3 000-ლარიანი გირაო შეეფარდათ.

როგორც საქმის პროკურორმა აღნიშნა, ბრალდების მხარე გირაოს მათთვის ითხოვდა, ვინც სოციალურ ქსელში კადრები მიიღო, თუმცა პოლიციას არ შეატყობინა. 

გამოძიების ინფორმაციით, დაკავებულების ნაწილი კი, სოციალური ქსელში ინახავდა და მასობრივად ავრცელებდა პირადი ცხოვრების ამსახველ ვიდეოჩანაწერს. 

ცნობისთვის, პირადი ცხოვრების ამსახველი ვიდეოჩანაწერების საქმეზე 17 დაკავებულიდან 9-ისთვის აღკვეთის შეფარდებაზე საქალაქო სასამართლო დღეს მსჯელობდა. სხდომა დახურულ რეჟიმში მიმდინარეობდა.

ავტორი: ,

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო