საქართველოს საგარეო საქმეთა მინისტრის, თამარ ბერუჩაშვილის ინფორმაციით, ევროკავშირის წარმომადგენლობა, აუცილებლობის შემთხვევაში, მზად იქნება საქართველოს შესაბამისი დახმარება გაუწიოს.

ამის შესახებ ბერუჩაშვილმა „კურიერში“ პირდაპირი ჩართვისას განაცხადა.

საგარეო საქმეთა მინისტრმა სტიქიის შედეგად დაღუპულთა ოჯახებს მიუსამძიმრა.

„უპირველეს ყოვლისა, მინდა საგარეო საქმეთა სამინისტროს და ჩემი სახელით, გულწრფელად მივუსამძიმრო სტიქიის შედეგად დაღუპულთა ოჯახებს. ამ დღეებში საქართველო იღებს სოლიდარობის, მხარდაჭერის, სამძიმრის გზავნილების ჩვენი პარტნიორი და მეგობარი ქვეყნებიდან, მსოფლიოს სხვადასხვა კუთხიდან პრემიერ-მინისტრების, პრეზიდენტების დონეზე და ასევე უბრალოდ მოქალაქეების დონეზე. მინდა ხაზი გავუსვა იმას, რომ ევროკავშირის საგარეო დახმარებათა და ასევე კრიზისულ სიტიაციათა მართვის სამსახური სრულ კოორდინაციაში შესაბამის უწყებებთან საქართველოში და აუცილებლობის შემთხვევაში, მზად იქნება გაუწიოს საქართველოს შესაბამისი დახმარება. მხარდაჭერის, სამძიმრის და სოლიდარობის გზავნილები ჩვენ მივიღეთ უმაღლეს დონეზე სამეზობლოს ქვეყნებიდან, ევროკავშირის ქვეყნდებიდან, ამერიკის შეერთებული შტატებიდან, ნატო-ს გენერალური მდივნისგან“, - განაცხადა თამარ ბერუჩაშვილმა.

მისივე თქმით, ამ ეტაპზე საგარეო საქმეთა სამინისტრო ფინანსთა სამინისტროსთან ერთად მუშაობს, რათა მაქსიმალურად მოკლე დროში მობილიზებული იყოს ყველა შესაძლო ფინანსური დახმარება დონორი ორგანიზაციებიდან და პარტნიორებიდან.

ბერუჩაშვილის განცხადებით, ჯერჯერობით უცნობია, რა თანხები იქნება გამოყოფილი საქართველოსთვის.

„მინდა განსაკუთრებულად აღვნიშნო ასევე საქართველოს მეგობართა საზოგადოებების, ინდივიდუალური მოქალაქეების აქტივობა ჩვენ მეგობარ ქვეყნებში. პოლონეთში, თურქეთში, ლიტვაში უკვე დაიგეგმა სპეციალური საქველმოქმედო ღონისძიებები კონცერტების თუ აუქციონების სახით, რომელიც ასევე დამატებით რესურსებს მოაგროვებს საქართველოსთვის. ამ ეტაპზე ზარალის დათვლა ჯერ კიდევ მიმდინარეობს, ამ საქმიანობაში ჩართული ყველა შესაბამისი უწყება. დღეს გაიმართება სპეციალური შეხვედრა ფინანსთა სამინისტროში, ასევე პრემიერ-მინისტრი ხვდება ევროკავშირის მისიის ხელმძღვანელს და ევროკავშირის ელჩებს და შესაბამისად მოგვიანებით ალბათ უფრო კონკრეტული სურათი გვექნება ამ საკითხებთან დაკავშირებით“, - აღნიშნა თამარ ბერუჩაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა