„ევროკავშირი აღიარებს საქართველოს მიღწევებს დაბალი და საშუალო დონის კორუფციასთან ბრძოლაში, რამაც კორუფციის აღქმის ინდექსში საქართველოს მაჩვენებელი გააუმჯობესა", - ამის შესახებ ევროპარლამენტის მიერ მომზადებულ ანგარიშშია ნათქვამი „ასოცირების ხელშეკრულების" შესრულების შესახებ, რომელსაც ევროპარლამენტი კენჭს დღეს უყრის.

თუმცა, ანგარიშში ხაზგასმულია, რომ მაღალი დონის ელიტური კორუფცია საქართველოში სერიოზულ პრობლემად რჩება.  

ევროპარლამენტი საქართველოს ხელისუფლებას მოუწოდებს, ანტიკორუფციული სტრატეგია და მისი სამოქმედო გეგმა მიიღოს და უზრუნველყოს. დოკუმენტში ნათქვამია, რომ ანტიკორუფციული სააგენტო დამოუკიდებელი, პოლიტიკური გავლენებისგან თავისუფალი უწყება უნდა იყოს, რომელიც სახელმწიფო უსაფრთხოების სამსახურის შემადგენლობაში არ იქნება.

დოკუმენტში ნათქვამია, რომ მნიშვნელოვანია პოლიტიკური და ეკონომიკური ინტერესების გამიჯვნა. აგრეთვე ანიშნულია, რომ კორუფციასთან ბრძოლას დამოუკიდებელი სასამართლო სისტემა და მაღალი დონის კორუფციის შემთხვევების გამოძიებების პრაქტიკა სჭირდება, რაც ქვეყანას ჯერ არ აქვს.

ანგარიშში საუბარია სამართალდამცავთა მხრიდან ჩადენილი დანაშაულების გამოძიების საკითხზეც და ხაზგასმულია, რომ ასეთი დანაშაულების გამოსაძიებლად სრულიად დამოუკიდებელი მექანიზმის შექმნაა აუცილებელი. აქვე დოკუმენტში მითითებულია რომ ეს მექანიზმი პროკურატურისგან დამოუკიდებელი უნდა იყოს.

გარდა ამისა, მომზადებულ პროექტში საუბარი საქართველოში მცხოვრებ თურქეთის მოქალაქეებსაც შეეხო. კერძოდ, „ევროკავშირი უკიდურესად შეწუხებულია იმ წნეხის გამო, რომელსაც თურქეთი საქართველოში მცხოვრებ მის მოქალაქეებზე ახორციელებს, ასევე საგანამანთლებლო დაწესებულებებზე, როგორიცაა „შავი ზღვის საერთაშორისო უნივერსიტეტი“. 

ანგარიშში აღნიშნულია, რომ უნივერსიტეტზე წნეხი სავარაუდოდ გიულენის მოძრაობასთან კავშირის გამო ხორციელდება. ევროპარლამენტი მოუწოდებს საქართველოს ხელისუფლებას, რომ ეს შემთხვევა კარგად შეისწავლოს. 

ავტორი: ,

სოციალური ქსელები

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს

ანკარამ ნატოს სამიტის გამო საპროტესტო აქციებსა და დრონების ფრენებზე 13-დღიანი აკრძალვა დააწესა

თბილისის მეტროს პირველ ხაზზე მატარებლების მოძრაობა სრულად განახლდა

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო