„ქვეყანას ხიფათი უახლოვდება, როდესაც „სააკაშვილის ნაცვალი“ ფეხდაფეხ მიყვება ჩვენ მხარდაჭერილ კანდიდატს“, - ამის შესახებ „ქართული ოცნების“ წევრმა, ნუკრი ქანთარიამ საშემოდგომო პლენარულ სხდომაზე განაცხადა.

ქანთარიამ ამომრჩევლებს სრული მობილიზებიკენ მოუწოდა, მმართველი გუნდის დეპუტატმა, პრეზიდენტობის კანდიდატი რუსული მენტალიტეტის, „მატრიოშკად“ გააიგივა.

„მინდა მოკრძალებით და ყოველგვარი მითქმა-მოთქმის გარეშე მივმართო საქართველოს მოქალაქეებს - განსაკუთრენით მათ, ვინც ძალიან დიდი წვლილი შეიტანეს 2012 წლის გამარჯვებაში, იმ თანამებრძოლებს, ვინც 2012 წლამდე იდგნენ სიცივეში, ყინვაში, ხვდებოდათ ხელკეტები, რეზინის ტყვიები და 28 ოქტომბრის არჩევნებში არ მოვიდნენ და განზე დადგნენ. მესმის, მათი გარკვეული მიზეზები. ზოგს ალბათ ეგონა, რომ პირველივე ტურში მოხდება სრული გამარჯვება, მაგრამ უმთავრესი მიზეზი უსამართლობის შეგრძნება, წყენის დაგროვება და გულის გატეხვა იყო. ამაში ჩვენს თანამებრძოლებთან აბსოლუტურად თანაზიარი ვარ, მაგრამ მე დარწმუნებული ვარ ერთ რამეში, რომ დღეს, როდესაც ჩვენ ქვეყანას ხიფათი უახლოვდება, როდესაც „სააკაშვილის ნაცვალი“ ფეხდაფეხ მიყვება ჩვენ მხარდაჭერილ კანდიდატს, დარწმუნებული ვარ, რომ ყველა წყენა, ყველაფერი გადაიდება და ყველანი ერთად არ დავუშვებთ რუსული მენტალიტეტის, ჩინოვნიკის „მატრიოშკას“ გაპრეზიდენტებას, რომლის შიგნით ზის სააკაშვილი და ზის მერაბიშვილი, შიგნით სხედან სხვადასხვა დაამნაშავეები, ზოგი გაქცეული და ზოგი პატიმარი ამჟამად. არ მგონია რომ ჩვენ მათ პარპაშსს შეველევით, არა იმიტომ, რომ ვინმეს ეშინია, ვინმეს ჩამოსვლის ან ვინმეს გამოსვლის, არამდედ იმიტომ რომ ის წარმატებები, რაც გაკეთდა ერთი ხელისმოსმით წაიშლება“, - განაცხადა ნუკრი ქანთარიამ.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”