„ჩვენი შტაბის ხელმძღვანელი აშოტ რაისიანი, წარმომადგენლები საოლქო კომისიაში აბრაამ აბრაამიანი, ტიგრან აბრაჰამიანი და მიშა აღაბალიანი არიან სასტიკად ნაცემები, ხელკეტებით არიან ნაცემები ჩვენს ოფისში. ამ თავდასხმას ხელმძღვანელობდა ენზელ მკოიანის, „ქართული ოცნების“ დეპუტატის ძმა, არტურ მკოიანი“, - ამის შესახებ გაერთიანებული ოპოზოციის, „ძალა ერთობაშიას“ საარჩევნო შტაბის ხელმძრვანელმა, გიორგი ვაშაძემ საგანგებო ბრიფინგზე განაცხადა.

ვაშაძე  შს სამინისტროს სასწრაფო რეაგირებისკენ მოუწოდებს.

 ეს პიროვნება იდენტიფიცირებულია და ასევე მიმდინარეობს ჩვენ მხრიდან სხვა თავდამსხმელების იდენტიფიცირება. ჩვენი ინფორმაციით, 20-მდე ადამიანი დაესხა ჩვენს შტაბს. ხელკეტებით იყვნენ შეიარაღებულები და სასტიკად არიან ნაცემები. ასევე, ჩვენი ინფორმაციით აბრაჰამ აბრაამიანი შეიძლება გადმოიყვანონ თბილისში იმდენად მძიმე ტრამვები აქვს. თქვენ შეგიძლიათ ნახოთ ფოტო და ვიდეო მასალა ამასთან დაკავშირებით.  ასევე, მივმართავ შსს-ს თანამშრომლებს, რომ ნუ შეასრულებთ უკანონო დავალებებს, რომლებსაც თქვენ ალბათ, ახლაც გაძლევენ და პირდაპირ, ბატონ გახარიას მინდა მივმართო, რომ თქვენ ხართ პასუხისმგებელი იმაზე, რომ მოხდება რეაგირება ამ ფაქტთან დაკავშირებით“, - განაცხადა გიორგი ვაშაძემ.

ცნობისთვის, მომხდართან დაკავშირებით შსს-მ გამოძიება სისხლის სამართლის კოდექსის 239-ე მუხლის მე-2 და მე-3 ნაწილით დაიწყო. რაც წინასწარი შეთანხმებით ჯგუფის მიერ ჩადენილ ხულიგნობას გულისხმობს.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”