„ხაზგასმით ავღნიშნო, რომ ის ხარვეზები რაზეც,  ჩვენ მიგვითითეს ადგილობრივმა და საერთაშორისო სადამკვირვებლო მისიებმა აუცილებლად უნდა იყოს ყურადღებამიქცეული და გამოსწორებული, არა როდესმე, არა შემდეგ არჩევნებზე, არამედ მეორე ტურზე“, - ამის შესახებ პრეზიდენტმა, გიორგი მარგველაშვილმა დღეს გამართულ ბრიფინგზე განაცხადა.

პრეზიდენტმა ამომრჩევლებს მეორე ტურში მონაწილეობისკენ, ხოლო სადამკვირვებლო მისიებს მაქსიმალური მობილიზებულისკენ მოუწოდა.

„მინდა დავიწყოთ მადლობით ქართული საზოგადოების მიმართ, რომელმაც აქტიურად მიიღო მონაწილეობა დემოკრატიულ პროცესში, საპრეზიდენტო არჩევნებში. ასევე მინდა მადლობა ვუთხრა ქართულ და საერთაშორისო სადამკვირვებლო ორგანიზაციებს, რომლებიც ძალიან აქტიურად მუშაობდნენ იმისთვის, რომ დემოკრატიული პროცესი ყოფილიყო დაცული და ყველაფერი ჩატარებულიყო კანონის ფარგლებში. არჩევნების დღემ ძირითადად მშვიდ და დემოკრატიულ გარემოში ჩაიარა, თუმცა, აქვე მინდა ხაზგასმით ავღნიშნო, რომ ის ხარვეზები რაზეც,  ჩვენ მიგვითითეს ადგილობრივმა და საერთაშორისო სადამკვირვებლო მისიებმა აუცილებლად უნდა იყოს ყურადღებამიქცეული და გამოსწორებული, არა როდესმე, არა შემდეგ არჩევნებზე, არამედ მეორე ტურზე.  მინდა ხაზი გავუსვა იმასაც, რომ მისასალმებელია და დემოკრატიულია ის, რომ ეს იყო ძალიან აქტიური და კონკურენტული არჩევნები. რაც იმაშიც გამოიხატა, რომ ჩვენ გვაქვს არჩევნების მეორე ტური. მინდა მოგიწოდოთ ყველას აქტიური მონაწილეობა მიიღოთ მეორე ტურში. ეს უმნიშვნელოვანესია ჩვენი დემოკრატიული პროცესისათვის. ქართველი ამომრჩევლების განცდა, რომ ის არის განმაპირობებელი პოლიტიკური ინსტიტუტების, კიდევ უფრო უნდა გაღრმავდეს ამ არჩევნებზე. ძალაუფლების წყარო საქართველოში არის ხალხი და არავის უნდა დაეზაროს საკუთარი პოზიციის გამოხატვა“, - განაცხადა პრეზიდენტმა.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”