„ჩვენ გვაქვს თითოეულ საარჩევნო უბანზე პარალელური, ხმების დათვლის მექანიზმი და 100 უბნიდან 92-ში ლიდერობს გრიგოლ ვაშაძე“, - ამის შესახებ გაერთიანებული ოპოზიციის საარჩევნო შტაბის ხელმძღვანელმა, გიორგი ვაშაძემ განაცხადა.

მან კონკრეტულად წარმოადგინა რამდენიმე საარჩევნო უბნის მონაცემები, სადაც გრიგოლ ვაშაძე ლიდერობს.

„საარჩევნო უბნებზე ჩვენ აწყობილი გვაქვს ხმების პარალელური დათვლის მექანიზმი და დაიწყო პირველადი მონაცემების შემოსვლა. დაახლოებით 100 უბნის მონაცემი გვაქვს უკვე, მთელი საქართველოს მასშტაბით. გრიგოლ ვაშაძე ლიდერობს თითქმის ყველა ამ უბანზე,  დათვლილი 100  უბნიდან 92-ში ლიდერობს ვაშაძე, დანარჩენ 8 უბანში, 6-ში დავით ბაქრაძე, ხოლო ორგან  სალომე ზურაბიშვილი. ჩვენი დაახლოებით პროცენრტული მაჩვენებელი 40-ზე გაცილებით მეტია. მე შემიძლია დაგისახელოთ კონკრეტულ უბნებზე შედეგები:

წყალტუბო 47-ე უბანი: გრიგოლ ვაშაძე - 227, დავით ბაქრაძე - 89, სალომე ზურაბიშვილი - 80.

მარნეული მე-80 უბანი: გრიგოლ ვაშაძე - 142, სალომე ზურაბიშვილი - 49.

გარდაბანი - აქტაკლია: გრიგოლ ვაშაძე -144, სალომე ზურაბიშვილი -65.

დმანისი 42-ე: გრიგოლ ვაშაძე -96, სალომე ზურაბიშვილი -22

ჩხოროწყუ მე-20 უბანი: გრიგოლ ვაშაძე -105, სალომე ზურაბიშვილი -97.

თქვენ ხედავთ, რომ ჩვენ გვაქვს მთლიანად აწყობილი პარალელური დათვლის მექანიზმი, უბნებში, როემლიც უკვე დათვლილია, ვაშაძე ლიდერობს აბსოლუტურად ყველგან, ეს ნიშნავს იმას, რომ ვაშაძე არის უპირობო ლიდერი. ჩვენს ხმებს აუცილებლად დავიცავთ“, - აღნიშნა გიორგი ვაშაძემ.

ავტორი: ,

სოციალური ქსელები

„ალ ჯაზირამ“ ირანზე აშშ-ის ბოლო დარტყმები ცეცხლის შეწყვეტის შემდეგ ყველაზე მასშტაბურად შეაფასა

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია