2015-06-11 13:17:45, 465 ნახვა
პოლიტიკა
კახა კალაძე: "ხუდონჰესის" პროექტზე დეტალები 1 ივლისისთვის გახდება ცნობილი
ვიცე პრემიერის, ენერგეტიკის მინისტრის კახა კალაძის განცხადებით, "ხუდონჰესის" პროექტთან დაკავშირებით დეტალები დაახლოებით ერთ თვეში გახდება ცნობილი.
როგორც კალაძემ ჟურნალისტებს განუცხადა, „ხუდონჰესის“ პროექტი საქართველოს ენერგეტიკისთვის მნიშვნელოვანი და სტრატეგიულია.
"ამ პროექტის განხორციელება იქნება ძალიან მნიშვნელოვანი. სახელმწიფო ყველაფერს გააკეთებს, რომ სამომავლოდ ჩვენი ქვეყნის საკეთილდღეოდ ეს პროექტი განხორციელდეს. დეტალებს უახლოეს მომავალში გაიგებთ კონკრეტულ ინვესტორ კომპანიასთან ერთად. ვფიქრობ, 1 ივლისისთვის უკვე ცნობილი იქნება", - განაცხადა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
