ივანიშვილი პოლიტიკაში ყოველთვის მონაწილეობდა, 2004-2005-2006 წლებში და შემდგომაც, ყოველთვის იყო ინფორმაცია, რომ პოლიტიკაში აქტიური მონაწილეობა სურდა, - ამის შესახებ იუსტიციის ყოფილმა მინისტრმა ზურაბ ადეიშვილმა „რუსთავი 2“-ის ეთერში, გადაცემა „არჩევანში“ განაცხადა.

„ინფორმაცია ნამდვილად არსებობდა, რომ ბიძინა ივანიშვილი პოლიტიკაში მოსვლას აპირებდა. ამავე დროს, ის პოლიტიკაში ყოველთვის მონაწილეობდა, 2004-შიც, 2005-შიც, 2006-შიც და შემდგომაც, კომუნიკაციის დონეზე ყოველთვის იყო ინფორმაცია, მათ შორის მის მიერ გამოთქმული, რომ სურდა პოლიტიკაში აქტიური მონაწილეობა. ის იყო პოლიტიკაში, ის ცდილობდა ზეგავლენა მოეხდინა გარკვეულ პროცესებზე და პოლიტიკაც არის პროცესებზე ზეგავლენის მოხდენა. ის კი ამას აკეთებდა 2004-შიც, 2005-შიც, 2009-შიც, 2010-შიც და აქედან გამომდინარე, მისი პოლიტიკაში მოსვლის სურვილის შესახებ ცალსახად ცნობილი იყო ჩვენთვის“, - განაცხადა ზურაბ ადეიშვილმა.

ადეიშვილის თქმით, ივანიშვილი ხელისუფლების შეცვლას 2008-2009-2010 წლებშიც აპირებდა.

"ხელისუფლებაში მოსვლა არის დემოკრატიული პროცესი და საქართველოს მოსახლეობა ნამდვილად იმსახურებს იმას, რომ სადღაც კულისებს მიღმა არ ფორმდებოდეს რაღაც გადაწყვეტილება ორ პოლიტიკურ ძალას, ან ორ ადამიანს შორის. ხელისუფლების გადაბარება, ბუნებრივია, ეს აბსოლუტურად მიუღებელი იყო. ჩვენთვის შეუძლებელია, რომ ვიღაცას ხელისუფლება აჩუქო, ან გადააბარო, ან მისცე ამის გაკეთების საშუალება. მან აირჩია გზა არჩევნების და შესაბამისად არჩევნების გზითაც მოვიდა ხელისუფლებაში. ხელისუფლების შეთანხმებულ გადაბარებაზე მან უარი მიიღო", - განაცხადა ზურაბ ადეიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა

ტრამპმა და სი ძინპინმა პეკინში მოლაპარაკებები გამართეს

ზელენსკი: რუსეთმა ბოლო 24 საათის განმავლობაში უკრაინის ქალაქებისა და დაბების წინააღმდეგ 1560-ზე მეტი დრონი გამოიყენა