ვაჟა-ფშაველას I კვარტლის N20 კორპუსის მიმდებარედ, 3500 კვ.მ. ფართობზე დასასვენებელი სივრცე კეთილმოეწყო. სკვერის რეაბილიტაცია ვაკის რაიონის დაკვეთით კომპანია „ინტერტექნოლოგმა“ განახორციელა.

სარეაბილიტაციო სამუშაოების შედეგად, სკვერში განახლდა საბავშვო მოედანი, ამფითეატრი, აუზი, მოეწყო სხვა შესაბამისი ინფრასტრუქტურა, გარე განათების სისტემა და დაიგო ბალახი. პროექტის ღირებულებამ 254 397 ლარი შეადგინა.

განახლებულ სკვერში ადგილობრივ მცხოვრებლებს ვაკის რაიონის გამგებელი ნოდარ ტურძელაძე შეხვდა.

„ვაკის რაიონში, სხვადასხვა ინფრასტრუქტურულ სამუშაოებთან ერთად აქტიურად მიმდინარეობს სკვერების მოწყობა-რეაბილიტაციის პროცესი, რაც ჩვენი ერთ-ერთი პრიორიტეტული მიმართულებაა. მნიშვნელოვანია, რომ პირველ რიგში ბავშვებს ჰქონდეთ კეთილმოწყობილი და გამწვანებული გარემო. ამ სკვერში ჩვენ განვაახლეთ საბავშვო მოედანი, ფანჩატური, ამფითეატრი, სამუშაოების შედეგად მოპირკეთდა სავალი ბილიკები და დაირგო ბალახი, მოეწყო განათების სისტემა, დაიდგა საპარკე სკამები და სანაგვე ურნები. ამ სკვერს ასევე აქვს გაგრძელება გზის მეორე მხარეს და სამომავლოდ იმ ტერიტორიის კეთილმოწყობასაც ვგეგმავთ“, - განაცხადა ნოდარ ტურძელაძემ.

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის