მთაწმინდის რაიონის გამგეობამ გრიბოედოვის ქუჩაზე ისტორიული შენობის მარცხენა ფლიგელის კაპიტალური გამაგრება დაიწყო. 

პროექტის ფარგლებში, ავარიული სახლის კონსტრუქციული ელემენტები - საძირკველი და მზიდი კედელი გამაგრდება, შენობის ფანჯრები კი, ლითონის კუთხოვანებით მოჩარჩოვდება.

კაპიტალური გამაგრების სამუშოებს, რომელიც სექტემბერში დასრულდება, მთაწმინდის გამგებელი დავით კირკიტაძე გაეცნო.

გრიბოედოვის 16 ნომერში მდებარე კულტურული მემკვიდრეობის ეს ძეგლი თავისი აივნებით ძველი თბილისური სახლის ერთ-ერთი საუკეთესო ნიმუშია. შენობის თავდაპირველი ნაწილი 1840-იანი წლებით თარიღდება, მე-20 საუკუნის დასაწყისში კი, პირვენდელ ნაგებობას კიდევ ორი შენობა დაემატა.

ძეგლი იმითაც არის გამორჩეული, რომ აღნიშნულ შენობაში, 1852-1858 წლებში, კავკასიის მუზეუმის ეთნოგრაფიული განყოფილება ფუნქციონირებდა, რომელსაც მწერალი და საზოგადო მოღვაწე რაფიელ ერისთავი ხელმძღვანელობდა.

კაპიტალური გამაგრების პროექტს გამგეობა „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში ახორციელებს.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის