უზენაესმა სასამართლომ ე.წ. ციანიდის საქმეზე ბრალდებული დეკანოზ გიორგი მამალაძის ადვოკატების სარჩელი არ მიიღო.

ბრალდებული დეკანოზის უფლებადამცველები, სააპელაციო სასამართლოს იმ გადაწყვეტილებას ასაჩივრებდნენ, რომლითაც ძალაში დარჩა პირველი ინსტანციის გადაწყვეტილება და დეკანოზ მამალაძეს, მკვლელობის ორგანიზების ბრალდებით 9 წლიანი პატიმრობა მიესაჯა. 

როგორც ადვოკატმა გიორგი ფანცულაიამ აღნიშნა, უზენაესი სასამართლოს ხსენებული გადაწყვეტილებით, დეკანოზის პოლიტიკური დევნა გრძელდება. 

"ქართული მართლმსაჯულება საბოლოოდ გარდაიცვალა და ის საბოლოოდ მიიღებს ამაზე ძალიან მწარე სილას სტრასბურგის სასამართლოდან, ვინაიდან ჩვენ გვაქვს ყველა ის ბერკეტი, რომლითაც სტრასბურგის სასამართლომ თქვას, არა უბრალოდ, რომ დეკანოზ გიორგი მამალაძის მიმართ არაერთი დარღვევა, არამედ სტრასბურგის სასამართლო იყოს ყველაზე უფრო მკაცრი შეფასებისას, რაც კი ოდესმე ქართული მართლმსაჯულების წინაშე ყოფილა, ვინაიდან ეს არის უპრეცენდენტო დარღვევებზე დაფუძნებული საქმე, სადაც საქართველოს უზენაესი სასამართლოს არ აღმოაჩნდა იმის მინიმალური დამოუკიდებელი სტანდარტიც კი, მათი დამკვეთებისგან, რომელიც ელემენტარულად ჩვენ მოსმენას მაინც გააბედინებდა სასამართლოში", - აღნიშნა გიორგი ფანცულაიამ "რუსთავი 2"-ის ეთერში. 

დეკანოზ გიორგი მამალაძის ადვოკატები განაჩენს სტრასბურგის სასამართლოში უახლოეს მომავალში გაასაჩივრებენ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია