ხორავას ქუჩაზე მოზარდების მკვლელობის საქმეზე შექმნილი დროებითი საგამოძიებო კომისიის წევრები სასჯელაღსრულების ნომერ მე-8 დაწესებულებაში საქმეზე მსჯავრდებულ არასრულწლოვნებს კითხავენ. 

გამოკითხვის პროცესი უკვე ერთი საათის განმავლობაში მიმდინარეობს. კომისიის წევრები მსჯავრდებულ გ.ბ-სა და გ.ჯ-ს კითხავენ, რომლებიც უშუალოდ კონფლიქტში მონაწილეობდნენ.

როგორც კომისიის თავმჯდომარე სერგი კაპანაძემ გამოკითხვის დაწყებამდე ჟურნალისტებს განუცხადა, 

"ამ მსჯავრდებულებთან შეხვედრა მნიშვნელოვანია, იმიტომ რომ, ისინი უშუალოდ მონაწილეობდნენ ამ ჩხუბში და მათ ჩაიდინეს კონკრეტული დანაშაული. მნიშვნელოვანია მათგან იმ ინფორმაციის მიღება, რომლის ნაწილი მათ სასამართლოზეც მოყვნენ და შესაძლოა ისეთი დეტალებიც გააჟღერონ, რომლეBიც სასამართლოზე არ უთქვამთ. ჩვენ სხვა მოწმეებისგანაც მივიღეთ საკმაოდ მნიშვნელოვანი ინფორმაცია, რომელიც შსს-ს გადავუგზავნეთ. ჯამში ეს ინფორმაციები შექმნის იმ სურათს, რომლის საფუძველზეც ჩვენ დავდებთ დასკვნას", - განაცხადა სერგი კაპანაძემ.

ცნობისთვის, 3 აგვისტოს საგამოძიებო კომისიის წევრები შინაგან საქმეთა მინისტრ გიორგი გახარიას, იუსტიციის მინისტრ თეა წულუკიანსა და ყოფილ მთავარ პროკურორ ირაკლი შოთაძეს გამოკითხავენ. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია