2018-07-30 12:12:32, 739 ნახვა

---

სოფლის მეურნეობის სამინისტროს ლაბორატორიის მუშაობის პროცესს აშშ-ის თავდაცვის საფრთხის შემცირების სააგენტოს წარმომადგენლები გაეცნენ

გარემოს დაცვისა და სოფლის მეურნეობის სამინისტროს დაქვემდებარებული ლაბორატორიის მუშაობის პროცესს აშშ-ის თავდაცვის საფრთხის შემცირების სააგენტოს (DTRA) წარმომადგენლები გაეცნენ.

სამინისტროს ინფორმაციით, შეხვდრის მიზანი, ლაბორატორიული ინფორმაციული მართვის სისტემის (LIMS) პროგრამის განხილვა და შეფასება იყო. LIMS-ის სისტემის გამართვა უზრუნველყოფს ლაბორატორიასა და მის ქსელში ნებისმიერი საინფორმაციო სისტემის ეფექტურ მართვას.

სსიპ საქართველოს სოფლის მეურნეობის სამინისტროს ლაბორატორიასა და აშშ-ის თავდაცვის საფრთხის შემცირების სააგენტოს შორის თანამშრომლობა ,,ერთობლივი ბიოლოგიური ჩართულობის პროგრამის“ (CBEP) ფარგლებში ხორციელდება.

CBEP პროგრამა მიზნად ისახავს საქართველოში ბიოლოგიური საფრთხის შემცველი აგენტების გამოვლენისა და შესაბამისი რეაგირების შესაძლებლობების შექმნასა და შემდგომ გაძლიერებას. აღნიშნული პროგრამის ფარგლებში, საქართველოში ადამიანთა და ცხოველთა ინფექციური დაავადებების დიაგნოსტიკის და ზედამხედველობის გაუმჯობესების კუთხით მნიშვნელოვანი ღონისძიებები განხორციელდა: საქართველოს მასშტაბით მოხდა 11 ლაბორატორიის შენობა-ნაგებობების კაპიტალური შეკეთება და თანამედროვე მატერიალურ-ტექნიკური ბაზით აღჭურვა; ჩამოყალიბდა ძლიერი კვლევითი ბაზა და შეიქმნა ერთიანი ლაბორატორიული ქსელი; ლაბორატორიის თანამშრომელთა კვალიფიკაციის ამაღლების კუთხით, ჩატარდა არაერთი ტრეინინგი და სემინარი.

პროგრამის ფარგლებში, სსიპ სოფლის მეურნეობის სამინისტროს ლაბორატორია აქტიურად ჩაერთო „ერთიანი ჯანმრთელობის“ პროგრამაში და DTRA-ს მიერ განხორციელებული აქტივობების საფუძველზე მზადაა, ეპიდაფეთქებების რისკის დროს, დროულად ჩაერთოს ლაბორატორიულ კომპონენტში.

 

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი