ხორავას ქუჩაზე მკვლელობის ფაქტის შემსწავლელი საქართველოს პარლამენტის დროებითი საგამოძიებო კომისიის წევრები ბრალდებულებს – მირზა სუბელიანსა და თენგიზ კალანდიას გლდანის მერვე სასჯელაღსრულების დაწესებულებაში გამოკითხავენ.
კომისიის წევრის, ანრი ოხანაშვილის ინფორმაციით, მირზა სუბელიანისა და თენგიზ კალანდიას გამოკითხვის დროს დასვამენ ყველა შეკითხვას, რომელმაც აღნიშნულ საქმეზე საზოგადოების ინტერესი გამოიწვია.

ოხანაშვილის თქმით, ისინი ეცდებიან მიიღონ მაქსიმალური ინფორმაცია, თუკი ეს საგამოძიები კომისიის მუშაობას გამოადგება.
როგორც კომისიის წევრმა, ირაკლი აბესაძემ განაცხადა, ძირითადი კითხვები მირზა სუბელიანთან ექნებათ და დაინტერესდებიან, იყო თუ არა გამოძიება ტენდენციური, რადგან მისი ოჯახის წევრები იყვნენ ამ ტრაგედიის ფიგურანტები.

„დღეს საგამოძიებო კომისია გამოკითხავს მირზა სუბელიანს და თენგიზ კალანდიას. რა თქმა უნდა, შეკითხვების ძირითადი ნაწილი მიმართული იქნება მირზა სუბელიანისადმი, რამდენად ერეოდა ის გამოძიებაში, რამდენად ხდებოდა გამოძიების წარმართვა ტენდენციურად იმის გამო, რომ მისი ოჯახის წევრები იყვნენ მონაწილეები და ფიგურანტები ამ მძიმე ტრაგიკული შემთხვევის.

გვექნება დეტალური შეკითხვები, რომ დავადგინოთ რამდენად სიმართლეს საუბრობენ ისინი გამოძიებისთვის მიცემულ ჩვენებაში და ხომ არ არის ისეთი გარემოებები, რომელიც ადასტურებს მის თანამდებობრივ მდგომარეობის გამოყენებას იმისთვის, რომ გამოძიება არათანმიმდევრულად წასულიყო და მიგვეღო ისეთი ბუნდოვანი შედეგი რომელიც გვაქვს“,- განაცხადა აბესაძემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია