შინაგან საქმეთა სამინისტროში ხორავას ქუჩაზე მოკლული მოზარდის მამის ზაზა სარალიძესა და მინისტრის მოადგილეებს შორის შეხვედრა დასრულდა.

ზაზა სარალიძემ უწყების მიმდებარე ტერიტორია უკვე დატოვა. როგორც მან შეხვედრის დასრულების შემდეგ განუცხადა, მან მიიღო დაპირება, რომ მისი შვილის მკვლელობის საქმეზე შსს რადიკალურ ნაბიჯებს გადადგამს.

"შევჯერდით იმაზე, რომ კვირის ბოლომდე იქნება რადიკალური ნაბიჯები გადადგმული. დეტალებს არ ჩავუღრმავდები, იქიდან გამომდინარე, რომ ჩემი მხრიდან რაიმე ხელის შეშლა არ მოხდეს. პროცესს ესწრებოდნენ შინაგან საქმეთა სამინისტროს წარმომადგენლები, ასევე ჩემი ადვოკატი და სახალხო დამცველი", - განაცხადა ზაზა სარალიძემ.

აღსანიშნავია, რომ შეხვედრას თავად შს მინისტრი გიორგი გახარია არ დასწრებია.

შეგახსენებთ, რომ ზაზა სარალიძემ შინაგან საქმეთა სამინისტროსთან შიმშილობა 2 ივლისს დაიწყო. მანამდე სარალიძე კრიმინალური პოლიციის ხელმძღვანელს შეხვდა. შეხვედრაზე სარალიძის მთავარი მოთხოვნა საქმის ერთ-ერთი ფიგურანტის, მიხეილ კალანდიას დაკავება იყო. სარალიძის თქმით, შსს-ში მას განუცხადეს, რომ კალანდიას წინააღმდეგ არ არსებობს მტკიცებულებები, შესაბამისად მის მიმართ სისხლის სამართლებრივი დევნა ვერ დაიწყება. აღნიშნულს მოჰყვა სარალიძის მხრიდან პროტესტი, რის შემდეგაც მან უწყების შენობასთან შიმშილობის შესახებ განაცხადა.

ავტორი: ,

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი