ფოთთან, რიონის სარეგულაციო ჰიდროკვანძის რეაბილიტაცია მიმდინარეობს

2018-06-29 14:26:21, 416 ნახვა

რეგიონი

ფოთთან, მდინარე რიონის სარეგულაციო ჰიდროკვანძის რეაბილიტაცია მიმდინარეობს.

სამუშაოებს გარემოს დაცვისა და სოფლის მეურნეობის სამინისტროს შპს „საქართველოს მელიორაციის“ ხელმძღვანელობა ადგილზე გაეცნო.

აღდგენითი სამუშაოები უტარდება სარეგულაციო ჰიდროკვანძს, რომელიც კაშხლისა და რაბრეგულატორისგან შედგება; იცვლება ამორტიზებული ელექტრომექანიკური მოწყობილობები.

მდინარე რიონის სარეგულაციო ჰიდროკვანძის მწყობრში მოყვანის შემდეგ, სარემონტო სამუშაოები ჩაუტარდება დამხმარე ნაგებობებს და კეთილმოეწყობა მიმდებარე ტერიტორია.

სრულდება ყველა საჭირო სამუშაო იმისათვის, რომ, შესაძლო წყალდიდობის შემთხვევაში, ნაგებობა მზად იყოს, გაატაროს წყლის მაქსიმალური მოცულობა და ქ. ფოთისა და ხობის მუნიციპალიტეტის სოფლები და სასოფლო-სამეურნეო ფართობები არ დაიტბოროს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები