თბილისის ბაგა-ბაღებში ახალი სასწავლო წლისათვის აღსაზრდელთა რეგისტრაცია დღეს დაიწყება

2018-06-22 10:03:48, 686 ნახვა

საზოგადოება

თბილისის ბაგა-ბაღებში 2018-2019 სააღმზრდელო წლისათვის აღსაზრდელთა რეგისტრაცია დღეს, 12:00 საათზე დაიწყება.

ბაგა-ბაღების მართვის სააგენტოს ინფორმაციით, რეგისტრაცია განხორციელდება ელექტრონულად, თბილისის საბავშვო ბაგა-ბაღების მართვის სააგენტოს ვებგვერდზე kids.org.ge.

რეგისტრაციის მსურველებმა სარეგისტრაციო ბლანკში უნდა მიუთითონ სასურველი რაიონი, ბაღის ნომერი ან დასახელება, ასაკობრივი კატეგორიის შესაბამისი ჯგუფი, შეავსონ ბავშვისა და მშობლის პირადი მონაცემები, რაც მითითებულია აღსაზრდელის დაბადების მოწმობაში. ასევე, სავალდებულოა საკონტაქტო პირის ტელეფონის ნომრის მითითება.

სააღმზრდელო წლის დაწყებისათვის და არა რეგისტრაციის მომენტისათვის, აღსაზრდელი უნდა იყოს 2 წლის ასაკის.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები