ლეონიდ თიბილოვი სამხრეთ ოსეთის რუსეთის შემადგენლობაში შესვლის გადაწყვეტილებას, ვერ მიიღებს, - ასე გამოეხმაურა პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე, ე.წ. სამხრეთ ოსეთის დე-ფაქტო პრეზიდენტის ლეონიდ თიბილოვის განცხადებას, რომლის თანახმადაც სამხრეთ ოსეთი მზადაა, რუსეთის შემადგენლობაში შევიდეს.

აბაშიძის განმარტებით, რუსეთი იმ პოლიტიკის გამო, რასაც ის მეზობელ ქვეყნებში ატარებს, დიდ საფასურს იხდის და ასეთი გადაწყვეტილების შემთხვევაში, კიდევ უფორ დიდი საფასურის გადახდა მოუწევს.

აქედან გამომდინარე, ზურაბ აბაშიძე მიიჩნევს, რომ მსგავსი გადაწყვეტილება რუსეთისთვის ძალიან მძიმე იქნება.

„თიბილოვი ამას ვერ გადაწყვეტს. რუსეთი იხდის საკმაოდ დიდ საფასურს იმ პოლიტიკისთვის, რასაც ის მეზობელ ქვეყნებში ატარებს. თუ ასეთ ნაბიჯსაც გადადგამს, რა თქმა უნდა, კიდევ უფრო დიდი საფასური უნდა გადაიხადოს და ეს მისთვის ძალიან მძიმე გადაწყვეტილება იქნება. ამის თაობაზე მაქსიმალურად უნდა გვყავდეს ინფორმირებული დასავლელი პარტნიორები და საერთაშორისო ორგანიზაციები“, - განაცხადა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ექვს თვეში გააორმაგა განადგურებული რუსული საჰაერო თავდაცვის სისტემების რაოდენობა.

უკრაინის ზაკარპატიის რეგიონზე დრონებით თავდასხმის გამო უნგრეთის საგარეო საქმეთა სამინისტრომ რუსეთის ელჩი დაიბარა

ალექსანდრიის პატრიარქი შიო III-ს: გილოცავთ და თქვენი დღეგრძელობისთვის ვლოცულობთ

ირაკლი შაიშმელაშვილმა აშშ-ში პოლიტიკური თავშესაფარი მიიღო