ფილარმონიის მიმდებარე ტერიტორიაზე, სადაც „ქართული მარშის“ წევრები იკრიბებიან  ინციდენტი მოხდა.

ადგილზე ტელეკომპანია „რუსთავი 2“-ის ჟურნალისტის მისვლამ „მარშის“ ერთ-ერთი მხარდამჭერის გაღიზიანება გამოიწვია. მან ჟურნალისტს სიტყვიერი შეურაცხყოფა მიაყენა და ტერიტორიის დატოვება მოსთხოვა.

„კიდევ აქ მოეთრევიან ეს ფაშისტები, უსინდისოები. თქვენ გამო დაიჭირეს ჩვენი უდანაშაულო ბიჭები“, -   მიმართა ქალბატონმა „რუსთავი2“-ის ჟურნალისტს.

ამის შემდეგ ქალბატონი დააკავეს. გარდა ამისა, ადგილზე პოლიციამ 10-ზე მეტი პირი დააკავა, მათ შორის: რამაზ გაგნიძე, იოსებ ხიმშიაშვილი, კოკა მორგოშია, გურამ ქართველიშვილი, მაია მახაშვილი და ტრისტან წითელაშვილი.

აქციის მონაწილეები აცხადებენ, რომ მათი თანამოაზრეების დაკავება უმიზეზოდ ხდება, რათა აქციის გამართვის საშუალება არ მიეცეთ.

ცნობისთვის, „ქართული მარშის“ წევრები ამბობენ, რომ ხორავას ქუჩაზე მოკლული დავით სარალიძის მამას სოლიდარობას უცხადებენ, თუმცა მათივე თქმით, პარლამენტის შენობასთან „ნაციონალური მოძრაობის“ წარმომადგენლები იმყოფებიან და ეს მათთვის მიუღებელია. სწორედ აღნიშნულის გამო მართავს „მარში“ კონტრაქციას.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება