ხორავას ქუჩაზე მოკლული დავით სარალიძის მამის, ზაზა სარალიძის უფლებების დამცველი ზვიად კუპრავა ყოფილ პრემიერ-მინისტრს, ბიძინა ივანიშვილს მოუწოდებს, მთავრობა დაითხოვოს.

როგორც  მან აღნიშნა, წინააღმდეგ შემთხვევაში აქცია ბიძინა ივანიშვილის რეზიდენციასთანაც გაიმართება.

„მისმა უდიდებულესობა ქართველმა ხალხმა პრემიერად წოდებული კვირიკაშილი გააძევა! ძალიან მალე ჩვენ გავაძევებთ ამ მთავრობას! მივმართავ ივანიშვილის, სანამ გაგვიზრდია ჩვენი მოთხოვნები და გადავსულვართ კონკრეტულ ქმედებებზე, დროულად მიიღოს გადაწყვეტილება მთავრობის დათხოვნის შესახებ. წინააღმდეგ შემთხვევაში მას ასი ათასი ადამიანი აუტალახებს ეზოს“, - განაცხადა კუპრავამ.

ცნობისთვის, პრემიერი ცოტა ხნის წინ პარლამენტის შენობასთან მივიდა და აქციის მონაწილეებისთვის მიმართვა სცადა, თუმცა მას ამის საშუალება არ მისცეს და სხვადასხვა ნივთები ესროლეს. ამის შემდეგ პრემიერმა ტერიტორია პარლამენტის ეზოს გავლით დატოვა.

შეგახსენებთ, მთავრობის ადმინისტრაციასთან ათასობით ადამიანი ხორავას ქუჩაზე მომხდარ მკვლელობაში დამნაშავეების დასჯას და მთავრობის გადადგომას ითხოვს.

ავტორი: ,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს