თბილისის მერიამ ისნის რაიონის გამგეობის შუამდგომლობით, ბერი გაბრიელ სალოსის გამზირ N133 ა - ში მცხოვრებ შვიდ ოჯახს საცხოვრებელი ფართები საკუთრებაში სიმბოლურ ფასად - 1 ლარად გადაეცემა.

აღნიშნული ოჯახებისთვის ფართების საკუთრებაში გადაცემის გადაწყვეტილება დედაქალაქის მერიამ მიმდინარე წლის 31 მაისს მიიღო.

მიმდინარე წელს, ხუთი თვის განმავლობაში,  ისნის რაიონში ქალაქ თბილისის მერიის გადაწყვეტილებით, მოსახლეობისთვის ბინების დაკანონება უკვე რამდენიმე მისამართზე მოხდა, მათ შორის ყვარლის ქუჩაზე,  ყვარლის შესახვევსა და უშაკოვის ქუჩაზე, ე. წ. „ფინურ“ კოტეჯში  51 ოჯახისთვის, რომლებიც აღნიშნულ მისამართებზე 50 წელია ცხოვრობენ. ასევე, მაისში სამგორის ქუჩა N16 - ში მცხოვრებ 18 შეჭირვებულ ოჯახს საცხოვრებელი ფართები საკუთრებაში გადაეცა.

თბილისის მერის კახა კალაძის გადაწყვეტილებით და საქართველოს ეკონომიკისა და მდგრადი განვითარების სამინისტროს ხელშეწყობით,  ისნის რაიონში 2018 წელს საცხოვრებელი  ფართები ჯამში 76 ოჯახს გადაეცა.

ისნის რაიონში, მოსახლეობისთვის საცხოვრებელი ფართების გადაცემის პროცესი მომავალშიც გაგრძელდება.

(NS)

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი