ქუთაისის სააპელაციო სასამართლოს თავჯდომარე დიმიტრი გვრიტიშვილი იუსტიციის უმაღლესი საბჭოს არამოსამართლე წევრს, ანა დოლიძეს პასუხობს, რომელმაც ღირსების და პატივის შელახვისთვის სასამართლოში უჩივლა.

საქმე ეხება გვრიტიშვილის მიერ რამდენიმე თვის წინ გაკეთებულ განცხადებას, რომლის თანახმადაც, დოლიძე 2008 წელს რუსეთის სასარგებლოდ ქართველი ჯარისკაცების მაკომპრომეტირებელ ინფორმაციას აგროვებდა.

როგორც გვრიტიშვილმა აღნიშნა, ანა დოლიძის მიმართ გაკეთებულ განცხადებას დღესაც ეთანხმება. მისივე თქმით, საქმეზე დეტალურად სარჩელის გაცნობის შემდეგ ისაუბრებს.

„იქიდან გამომდინარე, რომ მე პატივს ვცემ ჩემს სტატუსს და ასევე, იმ ჩემს კოლეგას, რომელსაც ამ საქმის, მე ვიტყოდი, შოუს ელემენტებით საკმაოდ დატვირთული საქმის განხილვა მოუწევს, ისედაც, არაკომფორტული იქნება მისთვის, დოლიძის საზოგადოების პირობებში ამ საქმის განხილვა. ჩემი პოზიცია, როგორც მოპასუხის, სასამართლოს წარედგინება მას შემდეგ, რაც ჩამბარდება სარჩელი და გავეცნობი მის არგუმენტაციას. როგორც გაჟღერდა, მოთხოვნა არის იმ ცნობების უარყოფა, იმ ცნობების მოთხოვნის უარყოფას მე არ დავეთანხმები, აქვე გიცხადებთ, კიდევ ვამბობ, თავს შევიკავებ კონკრეტული არგუმენტაციის წარმოდგენისგან“, - განაცხადა გვრიტიშვილმა.

 შეგახსენებთ, რომ  იუსტიციის საბჭოს არამოსამართლე წევრმა, ანა დოლიძემ, ქუთაისის სააპელაციო სასამართლოს თავმჯდომარე დიმიტრი გვრიტიშვილს სასამართლოში უჩივლა. დოლიძე გვრიტიშვილს ღირსების შელახვასა და ცრუ ინფორმაციის გავრცელებაში ადანაშაულებს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა