„ვაპროტესტებთ იმ სოდომს, რომელიც ბოლო დღეების განმავლობაში ვიხილეთ“ - „ქართული მარშის“ აქცია რუსთაველზე (ვიდეო)

2018-05-14 18:38:28, 1560 ნახვა

საზოგადოება

"ქართული მარშის" წევრების საპროტესტო აქცია-მსვლელობა რუსთაველის გამზირზე დაიწყო. აქციის მონაწილეები მსველობით პარლამენტის შენობისკენ მიემართებიან.

როგორც "მარშის" ერთ-ერთმა ლიდერმა სანდრო ბრეგაძემ განაცხადა, ისინი საქართველოში ბოლო დროს არსებულ ლიბერალურ პოლიტიკას აპროტესტებენ.

"ვაპროტესტებთ იმ ანტიქრისტიანულ შეხედულებებს, იმ სოდომს, რომელიც ბოლო დღეების განმავლობაში ვიხილეთ. ჩვენ მივდივართ პარლამენტის შენობასთან, სადაც 9 აპრილის მემორიალთან ნარკომანებმა და გარყვნილებმა მოაწყეს სოდომი. ადგილზე მისვლის შემდეგ ჩამოვყალიბდებით გეგმაზე და განცხადებას გავაკეთებთ", - განაცხადა ბრეგაძემ.

აქციის მონაწილეებს მიტანილი აქვთ ტრანსპარანტები წარწერებით: "თავიუსუფლება პოლიტპატიმრებს", "ძირს ლიბერალური პოლიტიკა", "შეწყდეს გარყვნილების პროპაგანდა".

აქციაში 300-მდე ადამიანი მონაწილეობს.

"ექსპრესნიუსი" აქციის მონაწილეების ქსენოფობიურ, ჰომოფობიურ და რასისტულ განცხადებებს ემიჯნება.