შსს: კლუბებში მიმდინარე სპეცოპერაციის დროს 8 ნარკორეალიზატორი დავაკავეთ

2018-05-12 02:28:42, 1736 ნახვა

საზოგადოება

კლუბებში "ბასიანსა" და "გალერიში" მიმდინარე სპეცოპერაციის დროს ნარკოტიკული საშუალების გამსაღებელი 8 პირი დააკავეს, - ამის შესახებ "ექსპრესნიუსს" შინაგან საქმეთა სამინისტროში განუცხადეს.

როგორც უწყებაში აცხადებენ, საგამოძიებო მოქმედებები სასამართლო განჩინების საფუძველზე ჩატარდა.

"შინაგან საქმეთა სამინისტრო 3 თვის განმავლობაში აწარმოებდა ინტენსიურ ოპერატიულ-სამძებრო და საგამოძიებო მოქმედებებს თბილისში მდებარე კლუბებში „ბასიანსა“ და „გალერიში“ ნარკოტიკული საშუალებების გასაღების ფაქტების გამოსავლენად. 2018 წლის 12 მაისს აღნიშნულ კლუბებში სასამართლოს განჩინების საფუძველზე ჩატარდა შესაბამისი საგამოძიებო მოქმედებები. დაკავებულია ნარკოტიკული საშუალების გამსაღებელი 8 პირი", - აცხადებენ უწყებაში.

კლუბებში - "ბასიანი" და "გალერი" სპეცოპერაცია დაახლოებით 2 სათის განმავლობაში მიმდინარეობს. ადგილზე სამართალდამცველები და სასწრაფო სამედიცინო დახმარების წარმომადგენლები არიან მობილიზებუბლი.

მანამდე პოლიციასა და მოქალაქეებს შორის ფიზიკური დაპირისპირება მოხდა. მოქალაქეების ნაწილი გზის გადაკეტვას აპირებდა, თუცა პოლიციელებმა ამის შესაძლებლობა მათ არ მისცეს.