თბილისის საქალაქო სასამართლოში ვარკეთილში დაკავებული ნარკორეალიზატორების სასამართლო სხდომა მიმდინარეობს.

სასამართლო ბრალდებულებისთვის აღკვეთი ღონისძიების შეფარდების საკითხზე მსჯელობს.

ნარკოტიკული საშუალებების შეძენა, შენახვა გასაღების ბრალდებით დაკავებული გიორგი გოგებაშვილი ბრალს არ აღიარებს. რაც შეეხება კიდევ ერთ ბრალდებულს ნინო გეგელაშვილს ის ბრალს ნაწილობრივ აღიარებს.

ამასთან, სასამართლო სხდომის დაწყებამდე ადვოკატმა მარიკა ფხალაძემ ჟურნალისტებს განუცხადა, რომ ის გიორგი გოგებაშვილისთვის, აღკვეთი ღონისძიების გაუქმებას მოითხოვს.

ადვოკატის ინფორმაციით, ბრალდებული ნინო გეგელაშვილი ამბობს, რომ გიორგი გოგებაშვილი მას ნარკოტიკების გასაღებაში არ ეხმარებოდა. დაცვის მხარემ დასძინა, რომ გიორგი გოგებაშვილის პირადი და ავტომობილის ჩხრეკისას არც ერთი ნარკოტიკული საშუალება სამართალდამცველებს არ ამოუღიათ.

"გიორგი გოგებაშვილი წარდგენილ ბრალდებაში თავს დამნაშავედ არ ცნობს. რაც შეეხება ნინო გეგელაშვილს მან თავი ნაწილობრივ ცნო დამნაშავედ. ფსიქოტროპული ნივთიერება ამოღებული არის მხოლოდ ნინო გეგელაშვილის ავტომობილიდან. სანამ ჩემი დაცვის ქვეშ მყოფებს დააკავებდნენ, განხორციელდა საკონტროლო შესწყიდვა. ეს ხდებოდა ჩანერგილი პოლიციელის მიერ, რომელიც ინტერნეტის მეშვეობით ახდენდა თანხების გადახდას და ნივთის აღებას. ერთ შემთხვევაში საუბარია ჰეროინზე, მეორე შემთხვევაში ბუპრენორფინზე. ამ საკითხში გეგელაშვილი თავს დამნაშავედ არ ცნობს და კატეგორიულად აცხადებს, რომ ჰეროინს და ბუპრენორფინს არასდროს ყიდდა. ის ყიდიდა ე.წ. ბიოს", - განაცხადა მარიკა ფხალაძემ.

რაც შეეხება ბრალდების მხარეს, პროკურორის ირინა ჩოჩიას განცხადებით, გამოძიებას აქვს საკმარისი მტკიცებულებები, რათა ორივე პირის ბრალეულობა დამტკიცდეს.

"არის მოპოვებული და საქმეს ერთვის საგამოძიებო ექსპერიმენტის ოქმი, სადაც არის მიმოწერა მომხმარებლის ამ გამსაღებლებთან. მიმოწერაში მომხმარებელი ინტერესდება თუ რა სახის ნარკოტიკულ საშუალებას ფლობენ გამსაღებლები, სადაც ისინი ამბობენ რომ ყველანაირ ნარკოტიკულ საშუალებას ფლობენ. პირველ შემთხვევაში მოახდინეს ჰეროინის გასაღება, მეორეში კი ბუპრენორფინის. მესამე საგამოძიებო ექსპერიმენტში მიმოწერის დროს თქვეს, რომ აქვთ მხოლოდ ე.წ. ბიო დარჩენილი და ეს ყველაფერი არ ნიშნავს იმას, რომ მომავალში ისინი მარაგის შევსებას არ აპირებდნენ", - განაცხადა პროკურორმა.

ცნობისთვის,8 მაისს სამართალდამცველებმა 1991 წელს დაბადებული ქალბატონი და 1994 წელს დაბადებული მამაკაცი, ინტერნეტის გამოყენებით ნარკოტიკული საშუალების გასაღების ბრალდებით, თბილისში დააკავეს. გამოძიება სსკ-ის 260-ე მუხლის მესამე ნაწილის ,,ბ" და მეხუთე ნაწილის „ბ" ქვეპუნქტით მიმდინარეობს, რაც ნარკოტიკული საშუალებების შეძენა, შენახვას და გასაღებას გულისხმობს. დაკავებულთათვის წარდგენილი ბრალდება სასჯელის სახედ და ზომად 7-დან 14 წლამდე თავისუფლების აღკვეთას ითვალისწინებს.  

ავტორი: ,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება