ჩინეთიდან საქართველოს მიმართულებით სარკინიგზო კონტეინერების მოსაზიდად ფინანსური დახმარების საკითხს განიხილავს, - ამის შესახებ ჩინეთის ტრანსპორტის მინისტრმა ლი სიაოპენმა საქართველოს პირველ ვიცე-პრემიერთან, ეკონომიკისა და მდგრადი განვითარების მინისტრ დიმიტრი ქუმსიშვილთან შეხვედრაზე განაცხადა.

მისი თქმით, ჩინეთი მზადაა, ხელი შეუწყოს საქართველოს „სარტყელისა და გზის" ინიციატივის ფარგლებში ე.წ. „შუა დერეფნის" განვითარებას და აღნიშნულ სარკინიგზო დერეფნის მეტად დატვირთვას.

აღნიშნული განცხადება მოყვა ქართული მხარის ინტერესს იმის შესახებ, რომ ჩინეთში ე.წ. „შუა დერეფნის" პოპულარიზების მიზნით საქართველოს ორგანიზებით „როუდ შოუები" მოეწყოს. ამ მხრივ კი მნიშვნელოვანია ჩინეთის ადგილობრივი პროვინციების სამთავრობო სექტორის ფინანსური და ორგანიზაციული კუთხით მხარდაჭერა.

პირველი ვიცე-პრემიერი დიმიტრი ქუმსიშვილი 2-დღიანი ვიზიტით ჩინეთში იმყოფება, რომლის დროსაც უკვე შეხვდა კომერციის მინისტრსა და განვითარებისა და რეფორმების კომიტეტის ხელმძღვანელობას.

(NS)

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა