ცხრა არასამთავრობო ორგანიზაციამ  საქართველოს პრემიერ-მინისტრსა და საქართველოს შინაგან საქმეთა მინისტრს საგანგებო განცხადებით მიმართა.

განცხადებაში ნათქვამია, რომ ისინი გამოხატავენ შეშფოთებას ბოლო პერიოდში სოციალურ ქსელებში გაძლიერებული ულტრანაციონალისტური, ქსენოფობიური და რასისტული პროპაგანდის, მისი მეშვეობით მოსახლეობის ცალკეული ჯგუფების მობილიზების მიმართ სახელმწიფო ორგანოების უყურადღებობის გამო.

„ამასთან დაკავშირებით მთავრობას შეახსენეს ევროკავშირთან ასოცირების ხელშეკრულებით ნაკისრი ვალდებულება, გაამახვილოს ყურადღება ისეთ საკითხებზე, როგორიცაა „პირთა მიღების (ადმისიის) წესები და მიღებულ პირთა უფლებები და სტატუსი, კანონიერად მცხოვრებ არამოქალაქეთა მიმართ სამართლიანი მოპყრობა და ინტეგრაცია, განათლება და ტრეინინგი; და რასიზმისა და ქსენოფობიის წინააღმდეგ მიმართული ღონისძიებები".

განცხადების ხელმომწერი ორგანიზაციები 8 აპრილს ქ.თბილისში, ბელიაშვილის ქუჩაზე მომხდარ ინცინდენტს რასიზმის უხეშ გამოვლინებად აფასებენ და მოითხოვენ, საქმე წარიმართოს საქართველოს სისხლის სამართლის კოდექსის 142(1) მუხლის მე-3 ნაწილით, ასევე, მაღალი საზოგადოებრივი ინტერესიდან გამომდინარე, გამოძიებისა და სასამართლო განხილვის პროცესები და შედეგები იყოს მაქსიმალურად საჯარო“,-აღნიშნულია არასამთავრობო ორგანიზაციების მიერ გავრცელებულ ინფორმაციაში.

ავტორი: ,

სოციალური ქსელები

ფიდანი: თურქეთი მზადაა სომხეთთან ურთიერთობების ნორმალიზებისთვის

აშშ-მ ახლო აღმოსავლეთში კიდევ 18 F-35A გამანადგურებელი განათავსა

თეირანი ჰორმუზის სრუტის გავლით გადასასვლელად საფასურს დააწესებს მემორანდუმის შესაბამისად

მეწყერის გამო სოფელ მაღაროსკართან ყველა სახის ავტოტრანსპორტის მოძრაობა აკრძალულია