სახალხო დამცველის, უჩა ნანუაშვილის, შეფასებით, ბევრი საქმის გამოძიებასთან დაკავშირებით კვლავ კითხვის ნიშნები არსებობს.

ამის შესახებ ნანუაშვილმა ადამიანის უფლებათა დაცვის კომიტეტის სხდომაზე 2014 წლის ანგარიშის წარდგენისას განაცხადა.

ომბდუსმენის ანგარიშში 2013-2014 წლებში მომხდარი გახმაურებული საქმეებიც მოხვდა, მათ შორის, ანგარიშში საუბარია  "ივანე მერაბიშვილის საპატიმრო დაწესებულებიდან სავარაუდოდ უკანონოდ გაყვანისა და დეპუტატ ნუგზარ წიკლაურის ცემის ფაქტებზე".

"საანგარიშო პერიოდში სახალხო დამცველი აპარატში ათეულობით საჩივარი იყო შემოსული, რომელიც სწორედ მსგავსი არასათანადო მოპყრობის  ფაქტებზე   მიუთითებდა და სამწუხაროდ, ბევრი საქმის გამოძიებასთან დაკავშირებით კვლავ კითხვის ნიშნებია. დღემდე უცნობია 2013 -2014 წლებში გახმაურებული საქმეების გამოძიების შედეგები.მათ შორის თბილისის მერიისა და საკრებულოს თანამშრომლების თავისუფლების სავარაუდოდ, უკანონოდ აღკვეთის, ივანე მერაბიშვილის საპატიმრო დაწესებულებიდან სავარაუდოდ უკანონოდ გაყვანისა და დეპუტატ ნუგზარ წიკლაურის ცემის ფაქტებზე.კანონის მოთხოვნათა სავარაუდო დარღვევის შესახებ ლეგიტიმური კითხვები რჩებოდა ასევე ე.წ. ტრაქტორების საქმეზე, რაც გამოძიების სრულყოფილად ჩატარებას საჭიროებს, თუმცა ამ საქმეებთან დაკავშირებით რაიმე პროგრესი არ შეიმჩნეოდა მიუხედავად იმისა, რომ აღნიშნული საქმეების გამოძიებას  ჩვენ წინა წლებშიც ვითხოვდით",-განაცხადა უჩა ნანუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით