საქართველოს პრემიერ-მინისტრი ირაკლი ღარიბაშვილი აზერბაიჯანის პრეზიდენტ ილჰამ ალიევს და პრემიერ-მინისტრ არტურ რასი-ზადეს ბაქოში, ერთ-ერთ საცხოვრებელ კორპუსში, გაჩენილი ხანძრის შედეგად მომხდარი ტრაგედიის გამო სამძიმარს უცხადებს.

“უდიდესი გულისტკივილით შევიტყვე ბაქოში დატრიალებული ტრაგედიის შესახებ, როდესაც საცხოვრებელ კორპუსში გაჩენილ ხანძარს არაერთი ადამიანის, მათ შორის, მცირეწლოვანი ბავშვების სიცოცხლე შეეწირა, რამდენიმე ათეული კი მძიმედ დაშავდა. ამ მწუხარების ჟამს, მინდა გადმოგცეთ ჩემი გულწრფელი სამძიმარი და გამოვხატო თანადგომა დაღუპულთა ოჯახებისა და ახლობლებისადმი,”-ნათქვამია აზერბაიჯანის პრეზიდენტისადმი მიწერილ წერილში.

ირაკლი ღარიბაშვილი, საქართველოს მთავრობის სახელით, თანადგომას უცხადებს  დაღუპულთა ოჯახებს და აზერბაიჯანელ ხალხს.

„მინდა გამოვხატო ღრმა მწუხარება ბაქოში, ერთ-ერთ საცხოვრებელ კორპუსში გაჩენილი ხანძრის შედეგად არაერთი ადამიანის, მათ შორის, მცირეწლოვანი ბავშვების დაღუპვასთან დაკავშირებით. ნება მომეცით, საქართველოს მთავრობისა და ჩემი სახელით, გადმოგცეთ გულწრფელი სამძიმარი და დაგიდასტუროთ ჩვენი თანადგომა და სოლიდარობა ამ მძიმე წუთებში“, - აღნიშნულია აზერბაიჯანის პრემიერ-მინისტრისადმი მიწერილ წერილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო