2018-03-27 16:27:51, 1881 ნახვა

---

ნინო ჯავახაძე: 2011 წლიდან დღემდე საქართველოს რეადმისიაზე 9 638 განაცხადი აქვს მიღებული, საიდანაც 95,5% დაკმაყოფილდა

შინაგან საქმეთა მინისტრის მოადგილის ნინო ჯავახაძის განცხადებით, 2011 წლის 1 მარტიდან დღემდე სულ საქართველოს რეადმისიაზე მიღებული აქვს 9 638 განაცხადი, საიდანაც მხოლოდ 429 იყო უარყოფილი.

„შესაბამისად, 95,5% ყველა განაცხადის დაკმაყოფილდა.აღსანიშნავია, რომ რეადმისიის თვალსაზრისით პირველ სამეულს გერმანია, საფრანგეთი და საბერძნეთი წარმოადგენენ. რაც შეეხება დღევანდელი  მდგომარეობით, 2018 წლის იანვარ-თებერვალში სულ განხილული გვაქვს 276 განაცხადი რეადმისიაზე. ამ მხრივ საკმაოდ კარგი თანამშრომლობა გვაქვს“,-აღნიშნა ნინო ჯავახაძემ  საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე.

ცნობისთვის, რეადმისიის შეთანხმებით საქართველო იღებს ვალდებულებას, ევროკავშირის ტერიტორიაზე უნებართვოდ მყოფი პირების დაბრუნებასთან დაკავშირებით.

---

ავტორი: ,

---

დღის თემა

მთავარი თემა

ინტერვიუ - ექსკლუზივი