გუდაურში, საბაგიროს ინციდენტის შედეგად დაშავებულებიდან საავდმყოფოში ექვსი ადამიანი რჩება. ყველა მათგანის მდგომარეობა დამაკამყოფილებელია. სავარაუდოდ, დღის ბოლოს  საავადმყოფოდან უკრაინის მოქალაქეს გაწერენ.

რაც შეეხება შვედეთის მოქალაქეს, რომელიც ორსულადაა, მისი მდგომარეობა სტაბილურია. ამ ეტაპზე  ექიმების დაკვირვების ქვეშ იმყოფება.

შეგახსენებთ, ორი დღის წინ საძელეს საბაგიროს ხაზი საპირისპირო მიმართულებით დატრიალდა და რამდენიმე ადამიანი გონდოლიდან ჩამოვარდა. ინციდენტის შემდეგ ადგილზე პირველი ვიცე-პრემიერი, ეკონომიკის მინისტრი დიმიტრი ქუმსიშვილი ჩავიდა. როგორც მან განაცხადა, საბაგიროს მწყობრიდან გამოსვლის მიზეზების დასადგენად ქვეყანაში საერთაშორისო ექპერტები ჩამოვლენ. რაც შეეხება პასუხისმგებლობის საკითხს, ქუმსიშვილის თქმით, უმკაცრესად დაისჯება ყველა, ვინც მომხდარ შემთხვევაში დამნაშავედ გამოვლინდება.

შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ის 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ავტორი: ,

სოციალური ქსელები

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა