საგარეო საქმეთა სამინისტროსა და სსიპ ნატოსა და ევროკავშირის შესახებ საინფორმაციო ცენტრის ორგანიზებით, უვიზო რეჟიმის შესახებ საინფორმაციო კამპანიის ფარგლებში იმერეთისა და კახეთის რეგიონში შეხვედრები გაიმართა.

უწყების ცნობით, 5-7 მარტს, იმერეთის რეგიონში საგარეო საქმეთა სამინისტროს, ნატოსა და ევროკავშირის შესახებ საინფორმაციო ცენტრისა და შინაგან საქმეთა სამინისტროს თანამშრომლები, ასევე საექსპერტო წრეების წარმომადგენლები ქუთაისში, სამტრედიაში, ვანში, თერჯოლაში, ტყიბულში, წყალტუბოში, ხონში, ჭიათურაში, საჩხერეში, ბაღდათსა და ზესტაფონში მოსახლეობას, ადგილობრივი თვითმმართველობების წარმომადგენლებს, პედაგოგებს, სტუდენტებს, მედიასა და ფერმერებს შეხვდნენ. იმერეთის რეგიონში სულ 12 შეხვედრა გაიმართა და საერთო ჯამში, შეხვედრებს 600-მდე ადამიანი დაესწრო.

კამპანიის ფარგლებში, მორიგი შეხვედრები 12-13 მარტს კახეთის რეგიონში გაიმართა. საინფორმაციო ცენტრისა და საექსპერტო წრეების წარმომადგენლებმა შეხვედრები თელავში, გურჯაანში, ყვარელში, ახმეტასა და საგარეჯოში გამართეს. კახეთის რეგიონში სულ 7 შეხვედრა გაიმართა და საერთო ჯამში, შეხვედრებს 300-მდე ადამიანი დაესწრო. შეხვედრებს ესწრებიან ადგილობრივი თვითმმართველობებისა და სამოქალაქო სექტორის წარმომადგენლები, სტუდენტები, პედაგოგები, ფერმერები, სასულიერო პირები, მედია და სხვ.

 კამპანიის ფარგლებში საქართველოს მოქალაქეებს კიდევ ერთხელ მიეწოდათ ინფორმაცია ევროკავშირის/შენგენის ზონაში  უვიზო მიმოსვლის წესების შესახებ. საუბარი ასევე შეეხო იმ რისკებს, რაც დაკავშირებულია, როგორც ამ წესების დარღვევასთან, ისე ევროკავშირის ქვეყნებში თავშესაფრის მიღების პროცედურების ბოროტად გამოყენებასთან.

 საინფორმაციო კამპანია საგარეო საქმეთა სამინისტროსა და ნატოსა და ევროკავშირის შესახებ საინფორმაციო ცენტრის ორგანიზებით, სამოქალაქო სექტორთან თანამშრომლობითა და მიგრაციის პოლიტიკის განვითარების საერთაშორისო ცენტრის (ICMPD) მხარდაჭერით ხორციელდება.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება