თბილისის მერია მოსალოდნელი ძლიერი ქარის გამო, მოსახლეობას აფრთხილებს

2018-03-09 10:16:38, 1743 ნახვა

საზოგადოება

ამინდის მოსალოდნელ გაუარესებასთან დაკავშირებით, თბილისის მერია, გარემოს ეროვნული სააგენტოზე დაყრდნობით, განცხადებას ავრცელებს.

როგორც განცხადებაშია ნათქვამი, მერია მოსახლეობას და სამშენებლო კომპანიებს სიფრთხილისკენ მოუწოდებს.

„გარემოს ეროვნული სააგენტოს ამინდის პროგნოზის მიხედვით, 9-10 მარტს შესაძლოა ქარის სიჩქარე 10-15 მეტრ წამიდან 25-30 მეტრ წამამდე გაიზარდოს.
თბილისის მერია მოსახლეობას მოუწოდებს, გამოიჩინოს მეტი სიფრთხილე და ძლიერი ქარის შემთხვევაში მოერიდოს ხეების, მსუბუქი კონსტრუქციებისა და სამშენებლო მოედნების სიახლოვეს ყოფნას.

გარდა ამისა, მოვუწოდებთ სამშენებლო კომპანიებს, მეტი გულისყურით მოეკიდონ უსაფრთხოების მოთხოვნებს და განსაკუთრებული ყურადღება გამოიჩინონ, როგორც დასაქმებული პერსონალის შრომითი უსაფრთხოების, ისე სამშენებლო უსაფრთხოების თვალსაზრისით“,- ნათქვამია განცხადებაში.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები