აგროსაწარმოებზე გადაღებული მოკლემეტრაჟიანი ფილმების კონკურსში „ჩემი ამბავი“ ბათუმისა და თელავის სახელმწიფო უნივერსიტეტების სტუდენტების მიერ გადაღებულმა ფილმებმა გაიმარჯვა.

ბათუმის სახელმწიფო უნივერსიტეტის სტუდენტებმა ფილმი პლასტმასის ყუთების საწარმოზე „აგროექსპორტი“, ხოლო თელავის უნივერსიტეტის სტუდენტებმა, ინდმეწარმე მარინა აკოლაშვილის  სამაცივრე მეურნეობაზე გადაიღეს.

რეგიონული უნივერსიტეტების სტუდენტებისთვის კონკურსი აშშ-ის განვითარების სააგენტოს (USAID) ორგანიზებით, საქართველოს სასოფლო-სამეურნეო წარმოების ეფექტიანობის აღდგენის პროექტის (REAP) სტაჟირების პროგრამის ეგიდით, ერთი წელია მიმდინარეობდა. კონკურსის პირობა USAID/REAP-ის ფარგლებში დაფინანსებულ აგროსაწარმოებზე მოკლემეტრაჟიანი ფილმების გადაღება იყო.

კონკურსში სულ ხუთი სახელმწიფო უნივერსიტეტი მონაწილეობდა - ბათუმის, ქუთაისის, გორის, სამცხე-ჯავახეთისა და თელავის.

ჟიურის წევრებს შორის იყვნენ გარემოს დაცვისა და სოფლის მეურნეობის მინისტრის მოადგილე გიორგი ჩხეიძე, ამერიკის შეერთებული შტატების საერთაშორისო განვითარების სააგენტოს (USAID)  მისიის დირექტორი დაგლას ბოლი, ტელეკომპანიის „იმედი“ წამყვანი ნანიკო ხაზარაძე და სააქციო საზოგადოების  „ტრაქტორი“ დირექტორი მარკ ვან ემბდენ ანდრესი.

გამარჯვებულმა სტუდენტებმა რეგიონულ ტელევიზიებში 3 თვიანი სტაჟირების გავლის დაფინანსება მოიპოვეს.

კონკურსი მიზნად ისახავდა სოფლის მეურნეობის თემით დაინტერესებული ახალგაზრდა ჟურნალისტების წახალისებას.

(NS)

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა