სს „საქართველოს რკინიგზა“ სტუდენტური ფასდაკლების პროგრამასთან დაკავშირებით განცხადებას ავრცელებს.

როგორც კომპანიაში აცხადებენ, ბოლო ორი დღის განმავლობაში, მათგან დამოუკიდებელი მიზეზის გამო, სერვისი შეფერხდა.

მათივე განმარტებით, ხარვეზი რამდენიმე საათში გამოსწორდება, ხოლო იმ სტუდენტებს, რომლებმაც ამ პერიოდში ბილეთის მთლიანი ღირებულება გადაიხადეს, საშეღავათო თანხა აუნაზღაურდებათ.

„როგორც მოგეხსენებათ, სს „საქართველოს რკინიგზა" მონაწილეობს  სტუდენტური ფასდაკლების პროგრამაში, თუმცა ჩვენი კომპანიისაგან დამოუკიდებელი მიზეზების გამო, უკანასკნელი ორი დღის განმავლობაში, აღნიშნულ სერვისს შეექმნა შეფერხება. ხარვეზი უახლოეს საათებში გამოსწორდება, ხოლო იმ სტუდენტებს, რომლებსაც ამ პერიოდში მოუწიათ ბილეთის მთლიანი ღირებულების გადახდა სრულად აუნაზღაურდებათ საშეღავათო თანხა (ბილეთის ღირებულების 50%-ი). ამისათვის გთხოვთ, წერილობით მიმართოთ საქართველოს რკინიგზის ფილიალ მგზავრთა გადაყვანას, წარმოადგინოთ თქვენი პირადობის მოწმობა და შეძენილი ბილეთის ასლი“, - აცხადებენ „საქართველოს რკინიგზაში“.

მათივე ცნობით, კომპანია GOEURO -ს მონაცამებით, „საქართველოს რკინიგზა“ სარკინიგზო მომსახურების სიიაფით მსოფლიოში მეორე ადგილზეა.

„ეს კიდევ ერთხელ ადასტურებს ჩვენს მზაობას შევქმნათ კომფორტული და ხელმისაწვდომი სერვისები. სწორედ ამიტომ, ჩვენი კომპანია მუდმივადაა ჩართული სტუდენტური ფასდაკლების პროგრამაში და მომავალშიც აპირებს ხსენებული ინიციატივის ფინანსურ მხარდაჭერას“, - ნათქვამია განცხადებაში.

(R)

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა