პროკურორი: პაატა ბურჭულაძე თბილისში ფონდის თანხებით მაღალი კლასის სასტუმროს ნომრებს ქირაობდა

2018-02-09 18:08:18, 2247 ნახვა

სამართალი

პროკურორ მაია ჯვარშეიშვილის განცხადებით, ფონდ " იავნანას" დამფუძნებელი პაატა ბურჭულაძე თბილისში, ფონდის თანხებით, მაღალი კლასის სასტუმროს ნომრებს ქირაობდა.

მანვე აღნიშნა, რომ ფონდის თანხებითაა ანაზღაურებული პაატა ბურჭულაძის და მისი მეუღლის მგზავრობის ხარჯები.

''ბატონი პაატა ბურჭულაძე, საკუთარ ქალაქში, თბილისში ყოფნის დროს ქირაობდა მაღალი კლასის სასტუმროებს, სადაც განთავსდებოდა ღამის თევისთვის. ასევე, ფონდის თანხებითაა ანაზღაურებული ბატონი პაატას და მისი მეუღლის მგზავრობის ხარჯები. ჩვენი აზრით, ამ ეტაპზე ამ საკითხებზე პასუხები ამომწურავად არ ყოფილა გაცემული. საბოლოო ჯამში დაკითხვამ საკმაოდ კორექტულად ჩაიარა. რაც შეეხება შემდგომ გადაწყვეტილებებს, შეფასდება საქმეში არსებული ყველა მტკიცებულება ერთობლიობაში“, - განაცხადა პროკურორმა.

გამოძიება ფონდ "იავნანას" კუთვნილი დიდი რაოდენობის თანხების შესაძლო გაფლანგვის ფაქტზე მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები