პროკურორ ნანიკო ზაზუნაშვილის განცხადებით, მუსტაფა ემრე ჩაბუქის შემთხვევაში პროკურატურა ბრალდების მხარეს არ წარმოადგენს.

მისი განმარტებით, პროკურატურა იხილავს ექსტრადიციის საკითხს საქართველოს კანონმდებლობის მოთხოვნის შესაბამისად.

პროკურორის განცხადებით, ექსტრადიციასთან დაკავშირებული ყველა გარემოება და საექსტრადიციო მასალები დეტალურად იქნა შესწავლილი. იგი მიიჩნევს, რომ ექსტრადიციის გამომრიცხავი რაიმე გარემოება არ არსებობს.

"სწორედ ამიტომ, ჩვენ მივმართეთ სასამართლოს. ჩვენ არ ვაფასებთ უშუალოდ ჩაბუქმა ჩაიდინა თუ არა ესა თუ ის ქმედება. ვაფასებთ, რამდენად არის შესაძლებელი წარმოდგენილი მასალებით ქმედებისათვის კვალიფიკაციის მიცემა აგრეთვე საქართველოს კანონმდებლობით, რაც მოცემულ შემთხვევაში სავსებითაა დაკმაყოფილებული თურქული მხარის მიერ. ვინაიდან ეს მოთხოვნა დაკმაყოფილებული იყო და არ გამოკვეთილა ექსტრადიციის გამომრიცხავი რაიმე გარემოება, მივმართეთ სასამართლოს", - განაცხადა პროკურორმა. 

ცნობისთვის, მუსტაფა ჩაბუქის ექსტრადირების საკითხის განხილვა 19 თებერვლამდე გადაიდო.

ავტორი: ,

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ