„რუსეთი ურთიერთობების ნორმალიზების გზით იმდენად შორს წავა, რამდენადაც თბილისი იქნება ამისთვის მზად“, - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა გამოცემა „კომერსანტისთვის“ მიცემულ ინტერვიუში განაცხადა.

თუმცა, როგორც კარასინმა აღნიშნა, საქართველოს მხრიდან საუბარი იმაზე, რომ რუსეთთან ურთიერთობების ნორმალიზებით აფხაზეთისა და ე.წ. სამხრეთ ოსეთის აღიარების გაუქმება იქნება შესაძლებელი, არასწორია.

„თბილისში უყვართ საუბარი იმაზე, რომ რუსეთთან ურთიერთობების ნორმალიზებით პირველ რიგში იმედოვნებდნენ აფხაზეთისა და სამხრეთ ოსეთის აღიარების გაუქმების მიღწევას და რომ ახლა მოტყუებულები დარჩნენ. ეს  სწორი არ არის, რადგან ჩვენ თავიდანვე გავაფრთხილეთ ჩვენი ქართველი პარტნიორები, რომ მათთან ურთიერთობების ნორმალიზება არ შეასუსტებს ჩვენს სახელმწიფოთაშორის თანამშრომლობას დამოუკიდებელ აფხაზეთთან და სამხრეთ ოსეთთან. ეს პროცესები სხვადასხვა განზომილებაშია“, - განაცხადა გრიგორი კარასინმა.

მისივე თქმით, ქვეყნებს შორის ურთიერთობა  2012 წლის საქართველოში ჩატარებული საპარლამენტო არჩევნების შემდეგ გაუმჯობესდა.

„საქართველოსა და რუსეთს შორის ურთიერთობის გაუმჯობესება 2012 წლიდან დაიწყო, მას შემდეგ, რაც მიხეილ სააკაშვილის პარტია საპარლამენტო არჩევნებში დამარცხდა. იმ მომენტისთვის ქვეყნებს შორის ურთიერთობა დიდ კრიზისს განიცდიდა.  მიზეზი კი, სისტემური ანტირუსული პოლიტიკა იყო, რომელსაც  სამხრეთ ოსეთზე თავდასხმა მოჰყვა. ახალმა მთავრობამ ურთიერთობის ნორმალიზების სურვილი გამოთქვა, რასაც ჩვენ მივესალმეთ“, - განაცხადა კარასინმა და დასძინა, რომ რუსეთი მომავალშიც აპირებს საქართველოსთან ორმხრივი ურთიერთობების გაუმჯობესებას.

„რუსეთი ურთიერთობების ნორმალიზების გზით იმდენად შორს წავა, რამდენადაც თბილისი იქნება ამისთვის მზად. ჩვენ დაინტერესებულნი ვართ კეთილმეზობლური ურთიერთობების აღდგენით, მაგრამ გავიმეორებ, რომ ეს არ მოხდება აფხაზეთისა და სამხრეთ ოსეთის საკითხზე საბედისწერო გადაწყვეტილებებზე უარის თქმის ხარჯზე“, - განაცხადა კარასინმა.

ავტორი: ,

სოციალური ქსელები

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო