რადას დეპუტატი: სასამართლოს გადაწყვეტილება საშუალებას იძლევა, სააკაშვილის საქართველოში დეპორტაცია მოხდეს

2018-01-05 13:36:10, 2018 ნახვა

კომენტარი

თბილისის სასამართლოს გადაწყვეტილება ყოფილ პრეზიდენტ მიხეილ სააკაშვილთან დაკავშირებით ყველა იურიდიულ საშუალებას იძლევა, რომ საქართველოში მისი დეპორტაცია მოხდეს, - ამის შესახებ უკრაინის უმაღლესი რადას დეპუტატი იგორ მოსიჩუკი Facebook-ის საკუთარ გვერდზე წერს.

როგორც მოსიჩუკმა აღნიშნა, სააკაშვილმა სამსახურებრივი უფლებამოსილების ბოროტად გამოყენებაში სცნეს დამნაშავედ.

"ქართველი იანუკოვიჩი....თბილისის სასამართლომ მიხეილ სააკაშვილი დამნაშავედ სცნო სამსახურებრივი უფლებამოსილების ბოროტად გამოყენებაში და მას ამნისტიით, საბოლოო ჯამში 3 წლით თავისუფლების აღკვეთა მიუსაჯა. სანამ სააკაშვილი საქართველოში პრეზიდენტის პოსტს იკავებდა, მან 3 ადამიანი შეიწყალა, რომლებიც მკვლელობაში იყვნენ ბრალდებულები. ეს წმინდა სისხლის სამართლის საქმეა. სასამართლოს აღნიშნული გადაწყვეტილება ყველა იურიდიულ საშუალებას იძლევა, რომ სააკაშვილის დეპორტაცია უმალვე განხორციელდეს", - წერს დეპუტატი.

ცნობისთვის, მიხეილ სააკაშვილს გირგვლიანის საქმეზე 3 წლით თავისუფლების აღკვეთა შეეფარდა.