გიორგობიანი: პანკისში, ერთ-ერთ დაკავებულს ხელყუმბარის მოქმედებაში მოყვანა უნდოდა, რის გამოც მის მიმართ გასროლა მოხდა

2017-12-26 12:17:01, 2181 ნახვა

სამართალი

სახელმწიფო უსაფრეთხოების სამსახურის ინფორმაციით, სოფელ დუისში დაკავებისას თემირლან მაჩალიკაშვილი შეეცადა, სამართალდამცველებისთვის წინააღმდეგობა გაეწია.

როგორც სუს-ის პრესსამსახურის უფროსმა ნინო გიორგობიანმა საგანგებო ბრიფინგზე განაცხადა, მას სურდა მოქმედებაში მოეყვანა ხელყუმბარა, რის აღსაკვეთადაც მაჩალიკაშვილის მიმართ მოხდა გასროლა. ის თავის არეშია დაჭრილი:

„თემირლან მაჩალიკაშვილი დაკავებისას შეეცადა, წინააღმდწეგობა გაეწია სამართალდამცველებისათვის, კერძოდ, უნდოდა მოქმედებაში მოეყვანა ხელყუმბარა, რა დროსაც დანაშაულებრივი ქმედების აღსაკვეთად, უკიდურესი აუცილებლობიდან გამომდინარე, გამოყენებული იქნა, პროპორციული ძალა და მოხდა თემრილან მაჩალიკაშვილის მისამართით გასროლა, რის სედეგაც ამ უკანასკნელმა თავის არეში მიიღო ცეცხლსასროლი დაზიანება.იგი ამჟამად ჰოსპიტალიზირებულია“,-განაცხადა ნინო გიორგობიანმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები