ბიზნესმენი თემურ ჭყონია საქართველოში საზღვაო სამოქალაქო ტრანსპორტის იდეით გამოდის და აღნიშნავს, რომ საქართველო მსოფლიოს იმ იშვიათი ქვეყნების რიგშია, რომელსაც აქვს ზღვა და საზღვაო ტრანსპორტი არ აქვს განვითარებული.

„შენდება მაგისტრალები, იჭრება ახალი გვირაბები, თუმცა, დღემდე არ არის საუბარი იმაზე, რომ ქვეყანაში შესაძლებელია საზღვაო ტრანსპორტის განვითარება“, - ამბობს ჭყონია გაზეთ „ბანკები და ფინანსებთან“ საუბრისას.

მისი თქმით, შესანიშნავი იქნება, რომ თუნდაც სეზონურად მაინც, პირველ ეტაპზე, ამოძრავდეს რეგულარული საზღვაო რეისი  ურეკი - ბათუმი, ქობულეთის გავლით.  „ზღვა გაცოცხლდება. როდესაც ვსაუბრობთ ინფრასტრუქტურის განვითარებაზე,  ერთ–ერთი თემა ისიც უნდა იყოს, რომ ზღვაში ტრანსპორტი  ამოძრავდეს. ფოთი, ურეკი, ქობულეთი, ბათუმი, ანაკლია -  ჩვენ საკმაოდ ბევრი საზღვაო ქალაქი გვაქვს.  მაგალითად, ქობულეთში რომ გაკეთდეს მცირე პორტი, მაშინ კერძო ბიზნესმენებიც გამოჩნდებიან, რომლებიც ამ ინფრასტრუქტურას მოემსახურებიან, შესაბამისად ახალი ბიზნესები გაჩნდება. ეს თემა არის ერთ–ერთი უმნიშვნელოვანესი. მესმის, რომ საგზაო ინფრასტრუქტურის განვითარება აუცილებელია, თუმცა საზღვაო ტრანსპორტის განვითარებაც  არანაკლებ მნიშვნელოვანია“, - აცხადებს თემურ ჭყონია.

მისი აზრით, მსგავსი მცირე პორტების გაკეთებას, სავარაუდოდ, დასჭირდება  3–4 მილიონი, რაც არცთუ ისე დიდი თანხაა. „მსგავსი პროექტებისთვის ხორცშესხმის შედეგად კი გზები განიტვირთება, საზღვაო მოძრაობა აღდგება, თევზაობა დაიწყება, სიცოცხლე გაჩნდება ზღვაზე, ტურიზმის განვითარებისთვის უმნიშვნელოვანესი ფაქტორი იქნება და ახალი, დამატებითი შემოსავალი გაუჩნდება ხალხს. ამიტომ საზღვაო ტრანსპორტის ფუნქციონირება შავი ზღვის განვითარების ერთ-ერთი მნიშვნელოვანი თემა უნდა იყოს“, - აცხადებს თემურ ჭყონია.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია