„რაც შეეხება ლარის საკითხს, მთავრობა არის აბსოლუტურად ყველაფერზე პასუხისმგებელი, რაც ქვეყანაში ხდება და არავინ არ გაურბის ამ პასუხისმგებლობას“, - ამის შესახებ პრემიერ-მინისტრობის კანდიდატმა გიორგი კვირიკაშვილმა ფრაქციქა „ნაციონალური მოძრაობის“ სხდომაზე განაცხადა.

როგორც მან აღნიშნა, ეკონომიკური მაჩვენებლითაც და მაკროეკონომიკური პარამეტრების მიხედვითაც, პოსტ 2014 წლის მოვლენების ზეგავლენა საქართველომ პრაქტიკულად დაძლია.

„პირველი დევალვაციის ტალღა, მოგეხსენებათ, რომ წამოვიდა, როდესაც 2014 წლიდან მოყონებული სერიოზული რეგიონული პრობლემები შეიქმნა უკრაინაში მიმდინარე საომარ მოქმედებებთან და ოკუპაციასთან დაკავშირებით, ეს იყო სირიის კრიზისი, რომელმაც ჩვენზე საგარეო შოკის სახით იქონია ზეგავლენა. საქართველოს ეკონომიკა, საკმაოდ მედეგი აღოჩნდა ამ საგარეო შოკის მიმართ და ღირსეულად გადავლახეთ ეს. შემიძლია გითხრათ, რომ ეკონომიკური მაჩვენებლითაც და მაკროეკონომიკური პარამეტრების მიხედვითაც, ჩვენმა ქვეყანამ პრაქტიკულად შეიძლება ითქვას, რომ დაძლია პოსტ 2014 წლის მოვლენების ზეგავლენა. თუმცა კიდევ ერთხელ ვამბობ, რომ მცურავი სავალუტო კურსი, არის ის განუხრელი ხაზი, რომელსაც ჩვენი ქვეყანა მისდევს, ეს არის დამოუკიდებელი მონეტარული პოლიტიკა და ფისკალური პოლიტიკა, რომელსაც ჩვენი მთავრობა ახორციელებს.

დღეს რატომ არის ლარი ცოტა უფრო გამყარებული, მე ამის მიზეზის თქმა გამიჭირდება. ბაზარზე ბევრი ფაქტორი ზემოქმედებს. როგორც თქვენ ახსენეთ, რომ მთავრობა წავა და ლარი გაყვება, ეს ხატოვანი ნათქვამია, ასე არ მოხდება“, - განაცხადა გიორგი კვირიკაშვილმა.

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა