გასულ წელთან შედარებით, მიმდინარე წლის 11 თვეში კაპიტალური პროექტების დაფინანსება 500.0 მლნ ლარით არის გაზრდილი, - ამის შესახებ ფინანსთა მინისტრმა მამუკა ბახტაძემ განაცხადა. 

მამუკა ბახტაძემ ყურადღება გაამახვილა ქვეყნის სატრანზიტო და ტურისტული პოტენციალის მაქსიმალურად გამოყენებისთვის აუცილებელ ღონისძიებებზე. მანვე აღნიშნა, რომ მიმდინარე ხარჯებისა და დეფიციტის შემცირების პარალელულად მთავრობა კაპიტალურ დანახარჯებს ზრდის,  რომელებიც ინფრასტრუქტურის განვითარებისთვის მიმართულია.

„გასულ წელთან შედარებით, მიმდინარე წლის 11 თვეში 500.0 მლნ ლარით არის გაზრდილი კაპიტალური პროექტების დაფინანსება, ხოლო მისი მოცულობა 2.4 მილიარდ ლარს შეადგენს. წლის ბოლოსთვის მაჩვენებელი 3 მლრდ ლარს გადააჭარბებს. კაპიტალური დანახარჯების ზრდის ტემპი კიდევ უფრო მაღალი იქნება მომდევნო წლებში და მშპ-ს 9%-ს გადააჭარბებს. ჯამში, 2017-2021 წლებში ინფრასტრუქტურულ პროექტებზე 19 მიალიარდ ლარზე მეტი დაიხარჯება, რომლის ფარგლებშიც, განხორციელდება ქვეყნის ძირითადი სატრანსპორტო ხერხემლის - აღმოსავლეთ-დასავლეთის მაგისტრალის მშენებლობის დასრულება, ასევე განხორციელდება ჩრდილოეთ-სამხრეთ კორიდორის მშენებლობა-რეაბილიტაცია, ტურისტული, ენერგო, წყალ-კანალიზაციის და სხვა მუნიციპალური ინფრასტრუქტურის მშენებლობა- რეაბილიტაცია-მოდენრიზაცია", - აღნიშნა მინისტრმა. 

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია