აჭარის მთავრობის თავმდჯომარე ზურაბ პატარაძემ  ბათუმში აფეთქების შედეგად დაზარალებული მეზობლები მოინახულა.

წინასწარი ინფორმაციით, ბუნებრივმა აირმა გამოიწვია, რის შედეგადაც  9 ოჯახი დაზარალდა. მერიამ მათ დროებითი საცხოვრებელი ფართები უკვე შესთავაზა.

„ბათუმში, ხარიტონ ახვლედიანის ქუჩაზე მომხდარი შემთხვევის დროს, აჭარის მთავრობის თავმჯდომარე ზურაბ პატარაძე კურორტ „გოდერძზე" იმყოფებოდა, სადაც დღეს ზამთრის სეზონის ოფიციალური გახსნა გაიმართა. ზურაბ პატარაძემ აფეთქების ფაქტის შეტყობისთანავე დატოვა კურორტი „გოდერძი" და მაღალმთიანი აჭარიდან ბათუმში დაბრუნდა. აჭარის მთავრობის თავმდჯომარე შემთხვევის ადგილზე მივიდა და აფეთქების შედეგად დაზარალებული მეზობლები მოინახულა. აფეთქება წინასწარი ინფორმაციით ბუნებრივმა აირმა გამოიწვია და 9 ოჯახი დააზარალა, რომელთაც მერიამ უკვე შესთავაზა დროებითი საცხოვრებელი ფართები. ამ დროისათვის შპს ,,სანდასუფთავების" თანამშრომლებმა ტერიტორიის დასუფთავება დაასრულეს, პარალელურად მიმდინარეობს დაზიანებული სახურავების შეკეთებისა და დროებითი გადახურვის ღონისძიებები. შემთხვევის ადგილზე იმყოფებოდა ბათუმის მერი ლაშა კომახიძე და აჭარის ჯანდაცვის მინისტრი ზაალ მიქელაძე“,-ნათქვამია აჭარის მთავრობის პრესსამსახურის მიერ გავრცელებულ ინფორმაციაში.

ახვლედიანის ქუჩაზე მომხდარი აფეთქების შედეგად 5 ადამიანი დაშავდა, მათი ჯანმრთელობის მდგომარეობა სტაბილურია და უტარდებათ შესაბამისი სამედიცინო მომსახურება.

ავტორი: ,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს